Trátase de 50 árbores e doce formacións arbóreas de 42 especies que son consideradas ‘reliquias botánicas'. Todas elas teñen un grande valor científico, cultural, didáctico, paisaxístico e ornamental e supoñen un legado que se mantén no tempo –ata 800 anos- tanto en zonas rurais como urbanas (parques, castelos, pazos, xardíns montes, fincas…), ou incluso en illas, como ocorre coa simbólica carreira de buxos de San Simón.

A día de hoxe, a Estación Fitopatolóxica de Areeiro (EFA) -dependente da Deputación- está a traballar na clonación dalgunha delas coñecida como ‘Figueira do Meco', unha árbore de máis de 100 anos situada nunha fenda entre dous penedos do Monte da Siradella (O Grove). O proxecto, iniciado pola comunidade de montes San Martiño, é acadar tres réplicas e así manter unha coñecida lenda dos séculos XV e XVI.

Como a da ‘Figueira do Meco', cada árbore senlleira da provincia de Pontevedra ten a súa historia e a súa lenda.

Para saber máis: 

• Coñece as árbores senlleiras da provincia de Pontevedra
• Árbores con historia. Ruta de árbores senlleiras