Os xardíns de Vincenti, xunto coa Alameda e o paseo das Palmeiras, forman un gran espazo verde no centro da cidade de Pontevedra.

O conxunto conforma o típico espazo urbano de principios do século XX, cando se derruíron os muros da cidade e se produciu unha expansión urbana fóra dos seus límites. Os tres cedros proceden do período da creación do xardín na primeira década do século XX.

Nos xardíns de Vincenti crecen especies arbóreas de gran presenza coma palmeiras, magnolias, cedros do Líbano, acivros e teixos. Xunto con pequenos xardíns mestúrase unha zona de xogos infantís e un estanque de aves.

Dous dos cedros están fronte ao edificio da Comandancia de Marina e o outro tras o Pazo da Deputación.