Localizacion natural: sur de Europa e norte de África
Idade: entre 100 e 150 anos
Porte: 14,4 m
Copa: 20 m
Concello: Vilanova de Arousa
Parroquia: Deiro
Lugar: Vilanova de Arousa
Altitude: 22,9 m s. n. m.
Coordenadas: 42.543450, -8.792826
Historia
É o único elemento dendrolóxico senlleiro do termo municipal, pertencente á flora autóctona de ribeiras e zonas húmidas do país, como o salgueiro negro da illa de Cortegada. Ambos os dous están asentados no ámbito litoral mais o último non está incluído no catálogo e encóntrase en estado decrépito, polo que o de Vilanova é o único representante da especie desas dimensións.
Entorno
O seu crecemento vese favorecido pola existencia nun lateral dunha presa de auga artificial. Vive rodeado doutros exemplares da mesma especie e tamén de especies foráneas, como o bambú, moi próximo a unha pradería e un viñedo. Atópase nun lugar próximo ao pazo de Fefiñáns.