Longametraxe documental, vídeo 1080p, 88 min

Tesouro de Corcoesto trata do conflito que xurdiu arredor do proxecto da mina de ouro en Corcoesto, un caso que convulsionou a sociedade galega e que colocou esta pequena localidade bergantiñán no mapa mundial de loitas ambientais. O documental formula unha ampla investigación que abrangue temas técnicos, empresariais, económicos e sociais e se detén, especialmente, nun activismo cidadán que conseguiu o que non se prevía: parar a mina; polo menos, de momento.