Vídeo, 22 min

Unha voz feminina protagonista, a de Encarna Otero, vainos levando polo Santiago intra muros, describindo aspectos do traballo feminino do pasado, das súas rúas, das súas fontes, do silencio da noite, para culminar este paseo na bela carballeira de Santa Susana, coroada pola igrexa, lugar xacobeo pouco coñecido que albergou as reliquias desta santa e mártir copatroa de Santiago. Un paseo delicioso e plástico por Santiago da man dunha muller excepcional, a historiadora e política feminista Encarna Otero.