Obra - Susana Rey - Números
Cousas do Kulechov (2007)
Susana Rey
Curtametraxe, vídeo, 21 minutos
Curtametraxe experimental na que, baixo a inspiradora luz de L. V. Kulechov, a autora pon a proba a elasticidade da montaxe para chegar a unha reflexión arredor da fraxilidade e a veracidade do que vemos e escoitamos. A montaxe cinematográfica revélanos a trampa da máis cruel e inxustificada das montaxes: a guerra. Nun percorrido pola paisaxe, os costumes e a actualidade galega presentamos un suposto conflito bélico onde un exército invasor ataca as costas galegas. Así, constrúese un "falso documental" no que a frota de guerra son as bateas ordenadas sobre a ría, o asalto ás praias, as mariscadoras entrando no mar; as bombas, os petardos e foguetes das festas.
|
Os contidos da sección Creadoras son responsabilidade exclusiva das súas autoras
