Obra - Olaia Sendón Ogando - Kauflan
Kauflan (2014)
Olaia Sendón
Curtametraxe, 5 min
Kauflan é unha serie de textos que os amigos da autora leron diante da cámara. É unha metáfora do mundo en crise que lle tocou vivir á xeración da autora: "Pertenzo a unha xeración á que se lle dixo que todo era posible, que o mundo era marabilloso e que España ía ben. Estreabamos a liberdade pola que loitaran os nosos pais. Estudamos, aprendemos idiomas; ‘mozos sobradamente preparados', dicían de nós. Triste comprobar que esa afirmación era certamente real e que ese mundo de oportunidades non era máis que a sección de oportunidades dun comercio global; e, mentres ese futuro que imaxinamos se creba, vemos como a liberdade e os dereitos que herdamos se van diluíndo tras unha cortina de medo e parálise". Deste shock nace Kauflan.
|
Os contidos da sección Creadoras son responsabilidade exclusiva das súas autoras