Curtametraxe de animación, 1:53 min

Maiiso nace da anécdota dunha parella de nenas que compiten por chamar a atención a unha da outra constantemente. A única preocupación de pasalo ben e a fantasía, propia da época da infancia, orixinan esta especial batalla. A obra mestura a técnica de animación tradicional e a dixital, a través da utilización do lapis e os estampados nos vestidos das nenas protagonistas. Mediante a liña do bosquexo materialízase a enerxía e a vitalidade dos movementos da etapa de nenez.