Mini dv vídeo, 38 min

Na antiga terra de Turonia, concretamente na comarca do Baixo Miño, e no territorio portugués do Alto Miño desenvólvese un rito popular en común que consiste en anunciar as festas e romarías das diferentes parroquias e freguesías da zona con composicións baseadas na percusión (bombos e caixas), guiadas pola melodía da gaita galega, no caso de Galicia, e da concertina, no caso de Portugal. Os encargados de levar a cabo esta tarefa son as agrupacións chamadas "treboadas", na parte galega, e as "zés-preiras", na portuguesa. O documental céntrase nos personaxes dos grupos Treboada, do Baixo Miño, Zés-Preiras, de Sopo, e Treboada Muimenta, de Sobrada, que, a modo de entrevista, nos dan a coñecer o pasado e a historia destes grupos e tradicións e como afrontan o futuro.