Obra - Laura García Calleja - Silencio por favor
Silencio por favor (2014)
Laura García Calleja
Curtametraxe narrativa, vídeo monocanle, HD-Color, 1280 X 720. Compresión H.264 11'48 min
Unha moza vive soa nun apartamento nunha urbanización deshabitada. Realiza un autorretrato e, durante o proceso, mira no seu interior (niso consiste un bo autorretrato). A soidade instálase nela e vai tomando conciencia diso, comeza a sentir un gran baleiro arredor: hamacas baleiras, apartamentos baleiros, edificio baleiro. Atemorizada pola soidade que a rodea, comeza a oír ruídos e emociónase coa esperanza de que sexan producidos por algunha persoa que se achega ao lugar. Deixa de lado o seu autorretrato e comeza a desequilibrarse psiquicamente ao comprender que eses ruídos non son máis que produto da súa imaxinación. Comeza a ter pesadelos, sofre ausencias e alucinacións que a levan a un estado paranoico, sucedéndose situacións inexplicables, inquietantes ou desacougantes. Sofre un estado de degradación importante, a súa vida cotiá vese abatida pola soidade que sente e a situación acaba por descontrolarse, de tal maneira que a moza perde toda noción de realidade.
|
Os contidos da sección Creadoras son responsabilidade exclusiva das súas autoras