Curtametraxe, vídeo HD, 4 min, 40 s

Amencemos en París, a finais de 2013, e mergullámonos nunha viaxe simbólica a través dunha natureza subxectiva, que experimenta directamente a realidade, sen analizala. Abolición do pensamento para ser substituído pola consciencia e a inconsciencia. Exploración intuitiva. Mediante as variacións do son e as alteracións da imaxe experimentamos a transitoriedade e mutabilidade do significado e a percepción formal desta. Trátase de penetrar directamente no obxecto mesmo e velo desde dentro; neste caso, as copas duns eucaliptos, dos que vemos a súa vida vibrando dentro de si mesma. Cada imaxe en movemento, de forma singular, ten a súa propia comunicabilidade e hai comuñón entre os actos illados.