Vídeo narrativo, HD vídeo, estéreo, cor, 4 min, 40 s

Peza baseada nun pesadelo no que unha moza escapa dun centro e corre coma se fose perseguida por alguén. Dá a casualidade de que desaparece no Nadal; leva na man unha pastilla de xabón que ela, na súa loucura, cre que se trata dun teléfono móbil que lle deron no hospital. Ao final é atopada de novo e devolta ao centro do que escapou. O vídeo gravouse en Pontevedra, en novembro e decembro, sempre a altas horas da noite e entre semana, para evitar a maior xente posible.