Vídeo, 2 min, 58 s

Derrota programada é unha provocación, unha maneira de instar a concluír o que está anunciado e sabido. Un corpo de muller que se enfronta, disposta a ser maltratada e devorada para dar fin á estratexia psicolóxica e intelectual de anulación á que está sendo sometida. No vídeo a figura da muller está representada cun atavío que lembra a reclusión. A infancia aparece mutilada, como representación da perda da ilusión e de calquera elemento esperanzador. Sordidez, abstracción e fuxida cara adiante nun universo onírico onde a presenza corpórea é constante, como querendo recordarnos que nese corpo hai vida.