A Estrada recibe 100.000 € do Plan Concellos para a reposición de servizos na rúa Fermín Bouza Brey
O grao de adxudicación do Plan Concellos na Estrada sitúase no 73%, o que supón un investimento na vila de case 1,3 millóns de €
A Xunta de Goberno da Deputación de Pontevedra vén de aprobar a achega de 100.217,04 € ao concello da Estrada para a reposición de servizos na rúa Fermín Bouza Brey, unha actividade que se atopa enmarcada na liña 1, investimentos, do Plan Concellos 2016.
Anteriormente, o Plan Concellos 2016 destinou á Estrada 807.961,36 € na liña 1 a unha actuación na rede de saneamento das Avenidas de Vigo e de Benito Vigo e á adquisición de dous camións equipados para a recollida de lixo e de 150 contedores para o mesmo fin, 298.622,80 en liña 4 co obxectivo de crear 34 postos de emprego nos servizos municipais da vila e, ademais, 65.137,26 € na liña 3 destinados ás seguintes actividades: un circuíto de carreiras, a Festa do Salmón, o VII Campus Deportivo de Verán, as escolas deportivas municipais, o VII Certame de Teatro do concello, a Festa Cabalar de Pascua e San Martiño, o Año ao Espeto, os Torneos 3x3 das Festas de San Paio e o Torneo de Tenis, o Teleclub da Comedia, as Marchas Cicloturistas BTT, a Rapa das Bestas e a Festa da Bicicleta.
Na actualidade o grao de execución do Plan Concellos no concello da Estrada atópase nun 73,2%, o que supón 1.271.938,46 € de investimento na vila.
