O goberno de Carmela Silva destina co "Plan Concellos" unha nova achega de 60.000 € para o concello de Cuntis
A institución provincial xa leva entregados o 88,6% do máis de medio millón de euros previstos dentro do plan para este municipio
A Deputación de Pontevedra vén de aprobar, a través dunha resolución presidencial, unha nova axuda ao concello de Cuntis no marco do "Plan Concellos 2017", dentro da súa liña 1 de investimentos. Con esta achega de 60.000 euros, Cuntis colocará sinais de tráfico verticais no seu concello.
Ao abeiro da liña 1 do "Plan Concellos 2017", a institución provincial xa destinara anteriormente a Cuntis 50.000 € para o acondicionamento dunha planta baixa para os servizos sociais do concello, 14.031,77 € para a pavimentación do viario de acceso á zona deportiva, 100.000 € para o saneamento da Casiña, 21.273,52 € para melloras no entorno do cruceiro no Campo-Troáns e 28.000 € para a reposición dun muro en Sobrada. Ademais, 66.193,87 € en liña 2 para o financiamento de diversas actividades como a Romaría do Cabalo, un ciclo deportivo, o programa Habilitas Fogar II ou o mantemento e acondicionamento da EDAR de Meira, para a mellora da súa rede de iluminación no Espadenal e, por último, a cantidade de 120.338,46 euros que permitirán que 16 persoas desenvolvan as súas profesións nos servizos municipais da vila, a través da liña 3 de emprego do Plan.
Coa suma desta nova achega, Cuntis ten recibido 473.869,39 € do máis de medio millón de euros previstos para esta vila a través do Plan Concellos 2017, o que supón un 88,6% do total.
