As oficinas "SmartPeme" da provincia acollen en marzo un total de 30 obradoiros
"SmartPeme" é un programa de asesoramento no ámbito das TIC da Deputación de Pontevedra destinado ás persoas emprendedoras e ás pemes da provincia
As oficinas SmartPeme da provincia acollen en marzo un total de 30 obradoiros ao abeiro do programa "SmartPeme" da Deputación de Pontevedra. "SmartPeme" oferta ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de empresarios e empresarias e de mozos e mozas autónomas.
En concreto, as entidades da área de Vigo, situadas nos concellos de Ponteareas, O Porriño e Vigo, serán sede dun total de quince obradoiros. As quendas para o mes de marzo na oficina de Vigo son as seguintes: o luns 6, "Facebook Ads", seguido de "Desenvolve a túa propia estratexia de e-mail marketing" o xoves 9. A seguinte semana, desenvolverase "Como empregar eficientemente Google e Google Apps for Business" o mércores 15 e, a seguinte, terá lugar "Como empregar Instagram para promocionar a túa empresa" o martes 21. Para rematar, o xoves 30 desenvolverase o obradoiro que leva por título "Uso de vídeos nas redes sociais: YouTube, Periscope…". A oficina "SmartPeme" de Vigo, na Sede da Deputación da cidade, atópase na Rúa Oporto, nº 3.
A oficina de Ponteareas acollerá os seguintes obradoiros: o xoves 2 de marzo, "Redes sociais para a empresa: É Twitter a túa solución?". O mércores 8 será a quenda de "Como utilizar Instagram para promocionar a túa empresa", que dará paso o luns 13 a "Como facturar electronicamente para as empresas e as administracións públicas". O mércores 22 de marzo seguiralle "A túa páxina web en menos de 90 minutos" e, por último, o martes 28 desenvolverase "Como ser eficiente na xestión do tempo? Trello e TOGGL". A oficina "SmartPeme" de Ponteareas, no Centro de Desenvolvemento Local, atópase en Lomba do Cruceiro, nº 5.
Por último, a oficina do Porriño acollerá os seguintes obradoiros: o xoves 2 de marzo, "A túa páxina web con WordPress". O seguinte martes, día 7, "Desenvolve a túa propia estratexia de e-mail marketing". "Rendibiliza o teu perfil profesional aumentando seguidores en Facebook" desenvolverase o mércores 15 de marzo, ao que lle seguirá "A túa información sempre á man: almacenamento na nube" o xoves 23. A última quenda será a de "Xestiona o teu negocio dende o móbil" o luns 27. A oficina "SmartPeme" do Porriño, no Multicentro do concello, atópase na rúa Ribeira, s/n.
Pola súa banda, o Edificio Administrativo da Deputación de Pontevedra, na capital provincial, acollerá cinco obradoiros. As quendas para o mes de marzo son as seguintes, todas elas en horario de 19:00 horas: o xoves 9 de marzo, "Deseña sinxelamente imaxes impactantes e profesionais". O martes 14, "LinkedIn: a túa rede de networking" e, tamén esa semana, "Comercializa os teus servizos a través das redes sociais" o venres 17. A seguinte quenda é o xoves 23 con "Como ser eficiente na xestión do tempo? Trello e TOGGL" e, pechando as accións do mes, o mércores 29 desenvolverase o obradoiro "A túa páxina web con WordPress". A oficina "SmartPeme" de Pontevedra, no Edificio Administrativo da Deputación, atópase na Gran Vía de Montero Ríos.
No Viveiro de Empresas do Polígono Lalín 2000 terán lugar outros cinco obradoiros, todos eles en horario de 19:00 horas: este xoves 2, "Comercializa os teus servizos a través das redes sociais". O venres 10 será a quenda de "Facebook Ads", que deixará paso a "Promociona o teu perfil de Facebook con aplicacións externas" o martes 14. O luns 20 desenvolverase a acción "Ferramentas de Google para a promoción de negocios locais" e, xa por último, "Google Analytics: iniciación á analítica web" o xoves 30 de marzo. A oficina "SmartPeme" de Lalín, no Viveiro de Empresas situado no Polígono Lalín 2000, atópase na parcela E deste espazo.
Finalmente, no Centro ExpoSalnés de Cambados impartiranse cinco obradoiros, todos eles en horario de 19:00 horas: o luns 6 de marzo, "Rendibiliza o teu perfil profesional aumentando seguidores en Facebook". O xoves 9 impartirase "A túa páxina web en menos de 90 minutos". O xoves da semana seguinte, día 16, "Google Analytics: Iniciación á analítica web", ao que lle seguirá o martes 21 "Seguridade da información: protexe o teu smartphone" e, xa por último, o venres 31 de marzo, desenvolverase o obradoiro "Ferramentas de Google para a promoción de negocios locais". A oficina "SmartPeme" de Cambados, no Centro ExpoSalnés, atópase no Paseo da Calzada.
As inscricións para a totalidade destas accións formativas pódense facer no número de teléfono 886 20 20 20, o correo electrónico info.smartpeme@depo.es ou a páxina web www.smartpeme.depo.es.
