A Deputación destina preto de 50.000 euros ao Concello de Crecente para o acondicionamento da piscina municipal
A institución provincial adxudicou xa o 57,77 % do Plan Concellos 2016 correspondente a Crecente, o que representa un investimento na vila de 225.758,68 €
A Deputación de Pontevedra, mediante resolución presidencial, acaba de adxudicar unha subvención a favor do Concello de Crecente, no marco da liña 1, investimentos, do Plan Concellos 2016.
A achega, por valor de 49.383,21 €, destinarase á realización dunha obra de acondicionamento da piscina municipal.
Estas axudas hai que sumalas aos 76.048,53 € xa concedidos no marco desta liña e aos 14.655,34 € aprobados con cargo á liña 3 do Plan Concellos 2016, dedicados a animacións infantís, actuacións teatrais e musicais no Crecente Cultural 2016, Coñece a túa comunidade, XIV edición da Festa do Pito, semifinal e final da Copa Galicia de Balonmán, I Campionato de Bádminton do Concello de Crecente e actuacións da coral Coro de Cámara de Crecente. Ademais, xa se adxudicaron 85.671,60 €, no marco da liña 4, destinados á contratación de dez empregados e empregadas que desempeñarán as súas tarefas no Concello.
A Deputación de Pontevedra destinou ao Concello de Crecente a contía de 225.758,68 €, dentro de Plan Concellos 2016, o que representa o 57,77 % do orzamento total destinado ao Concello.
