Xornada: A Axenda 2030 e o Papel das Mulleres na Administración Pública do Futuro
A Axenda 2030 é un plan de acción en favor das persoas, o planeta e a prosperidade desenvolvido polas Nacións Unidas ao que están chamados os gobernos, non só os nacionais senón tamén as autoridades rexionais e locais e a sociedade civil no seu conxunto. Co obxecto de facer realidade o cumprimento dos dereitos humanos de todas as persoas e acadar a igualdade de xénero polo camiño do empoderamento das mulleres e das nenas, a Deputación de Pontevedra, en colaboración coa Cátedra Iberoamericana da Universidade de Santiago de Compostela, organiza a xornada A Axenda 2030 e o Papel das Mulleres na Administración Pública do Futuro, co fin de mobilizar o talento das mulleres na Administración pública, atendendo ás súas principais dimensións para visualizar e debater sobre o papel que tivo a muller, o que ten e, sobre todo, o que debe ter no futuro. Para iso organízanse catro mesas redondas sectoriais nas que se van tratar os seguintes temas:
- "O papel das mulleres no liderado dos servizos sociosanitarios" (ODS 3 e 8)
- "O papel das mulleres en prol da investigación e da educación pública de calidade" (ODS 4, 16)
- "O liderado feminino na Administración e o seu avance cara a unha igualdade real" (ODS 5, 10)
- "Cidades sostibles: un reto para o liderado feminino no mundo local na procura de institucións sólidas" (ODS 11, 13)
Ademais, haberá mesas de apertura e peche nas que participarán mulleres en primeira liña política e da Administración para apoiar o papel da Deputación de Pontevedra no seu compromiso coa igualdade real das mulleres, no marco dos Obxectivos de Desenvolvemento Sostible (ODS).
A xornada está dirixida ao público en xeral, ao persoal do sector público e a todas as persoas profesionais que estean interesadas no tema da igualdade de xénero.
Programa
Xoves 22 de abril
De 9:30 a 10:00 h Mesa de apertura: "A Axenda 2030 e o papel das mulleres na Administración pública do futuro"
- Carmela Silva Rego, presidenta da Deputación de Pontevedra
- M.ª Xosé Rodríguez Galdo, directora da xornada
- María Cadaval Sampedro, directora da Cátedra Iberoamericana da Universidade de Santiago de Compostela (USC)
De 10:00 a 11:30 h Mesa 1: "O papel das mulleres no liderado dos servizos sociosanitarios"
- Modera: Águeda Gómez Suárez, directora da Unidade de Igualdade da Universidade de Vigo
- M.ª África González-Fernández, catedrática de Inmunoloxía da Universidade de Vigo
- Tatiana López del Río, CEO de NANOGAP
- Ana Concheiro Guisán, xefa do Servizo de Pediatría do Hospital Álvaro Cunqueiro de Vigo
De 12:00 a 13:30 h Mesa 2: "O papel das mulleres en prol da investigación e da educación pública de calidade"
- Modera: María Cadaval Sampedro, directora da Cátedra Iberoamericana da USC
- Capitolina Díaz Martínez, catedrática de Socioloxía da Universidade de Valencia. Primeira directora da Unidade Mulleres e Ciencia do Ministerio de Educación e Ciencia do Goberno de España
- Elena Rivo López, profesora e codirectora da Cátedra de Empresa Familiar da Universidade de Vigo. Foi decana da Facultade de CC. EE. e Turismo de Ourense
- Elena Vázquez Cendón, profesora de Matemática Aplicada, presidenta de Estalmat e decana da Facultade de Matemáticas da USC
Xoves 29 de abril
De 09:30 a 09:45 h Bienvenida de María Cadaval, directora de la catedra Iberoamericana de la USC y Mª Xosé Rodriguez Galdo, directora de la jornada
- Carmela Silva Rego, presidenta da Deputación de Pontevedra
- Teresa Ribera Rodríguez, vicepresidenta cuarta e ministra para a Transición Ecolóxica e o Reto Demográfico
De 9:45 a 11:00 h Mesa 3: "O liderado feminino na Administración e o seu avance cara unha igualdade real"
- Modera: M.ª Dolores Fernández Galiño, valedora do pobo
- Ana José Varela Gonzalez , directora financeira e de orzamentos da OCDE
- Concepción Campos Acuña, presidenta da Asociación de Mujeres en el Sector Público
- Margarita Parajó Calvo, titular da Asesoría Xurídica do Concello de Vigo
De 11:30 a 13:00 h Mesa 4: "Cidades sostibles: un reto para o liderado feminino no mundo local na procura de institucións sólidas"
- Modera: M.ª Xosé Rodríguez Galdo, catedrática emérita de Historia e Institucións Económicas da USC
- Ana Oregi Bastarrika, concelleira delegada do Departamento de Territorio e Acción polo Clima do Concello de Vitoria-Gasteiz
- Amalia López Acera, xornalista, especialista en comunicación e redes sociais na Administración pública local
- Inmaculada Viña Carregal, interventora da Administración local e directora do ORAL da Deputación de Pontevedra
De 13:00 a 13:30 h Mesa de clausura: "O papel das mulleres na Administración pública ante a Axenda 2030"
- M.ª Teresa Fernández de la Vega, presidenta do Consello de Estado
- Consuelo Castro Rey, avogada xeral do Estado
- Carmela Silva Rego, presidenta da Deputación de Pontevedra
- M.ª Xosé Rodríguez Galdo, directora da xornada
- María Cadaval Sampedro, directora da Cátedra Iberoamericana da USC
Descargas
Relatoras
África González-Fernández
África González-Fernández estudou Medicina e Cirurxía con premio extraordinario e doutoramento en Inmunoloxía na Universidade de Alcalá de Henares, Madrid.
Realizou a especialidade de Inmunoloxía na Clínica Puerta de Hierro de Madrid, e unha estancia postdoutoral de 4 anos co Dr. César Milstein (Premio Nobel pola técnica de obtención dos anticorpos monoclonais) no laboratorio de Bioloxía Molecular (MRC) de Cambridge, Inglaterra.
Incorpórase á Universidade de Vigo en 1996 para iniciar unha área nova en Inmunoloxía, única en Galicia.
Actualmente é catedrática de Inmunoloxía, lidera un grupo de investigación nesa materia traballando sobre vacinas, inmunoterapia e nanomedicina, con máis de 140 artigos publicados, algúns en revistas como Nature, Nature Nanotechnology, Cell, PNAS etc. e ten 4 patentes.
Dirixiu 18 teses doutorais. Durante 10 anos foi directora do Centro de Investigacións Biomédicas (CINBIO), que é considerado un centro de excelencia pola Xunta de Galicia, e foi presidenta da Sociedade Española de Inmunoloxía (SEI) desde o ano 2016 ata xuño de 2020.
Foi nomeada ao EU Women Innovator Prize como copromotora da Spin-off Company NanoImmunoTech. Recibiu diversos premios na empresa tamén pola súa traxectoria científica. Foi relatora convidada en moitos foros e leva a cabo tarefas divulgativas, sobre todo durante a pandemia da Covid-19.
Recibiu diversos premios: Muller Científica 2018, Mellor Traxectoria Profesional en Empresarias Galicia 2019, Premio Executivas de Galicia 2020, Premio Women CEO 2020, foi seleccionada na Lista Top 10 vigueses do ano e é investigadora distinguida para o Xacobeo 2021.
É académica da RAFG desde 2019.
Elena Rivo López
Licenciada en Ciencias Económicas e Empresariais pola Universidade Complutense de Madrid, doutorouse en Administración e Dirección de Empresas no ano 2002 coa tese titulada A creación de valor na empresa familiar, que foi das primeiras en España nesta temática e a primeira en Galicia. Realizou o MBA en ICADE e un máster en Banca e Finanzas en AFI. Empezou a súa actividade profesional no departamento de tesourería nunha entidade financeira da cal está en excedencia. Desde 1999 é profesora doutora contratada no Departamento de Organización de Empresas e Márketing da Universidade de Vigo, onde exerceu diversos cargos de xestión como o de coordinadora do máster universitario en Creación, Dirección e Innovación na Empresa (2011-2014), decana da Facultade de CC. EE. e Turismo de Ourense (2013-2019), e na actualidade comisionada do reitor de Coordinación Institucional da Universidade de Vigo.
En liña coa súa tese doutoral, a súa investigación e docencia céntranse no estudo da empresa familiar desde múltiples perspectivas: creación de valor, goberno corporativo, responsabilidade social, perspectiva de xénero, recursos humanos, emprendemento, family office. Na actualidade é codirectora da Cátedra de Empresa Familiar da Universidade de Vigo, organizando seminarios, obradoiros, mesas redondas etc. sobre a empresa familiar. Desde 2019 lidera un proxecto Erasmus+K2 (We´re in: Women in action) para fomentar o emprendemento feminino.
Ana Oregi Bastarrika
Arquitecta urbanista pola UNAV, diplomada en Dereito Urbanístico pola EVETU e doutoranda en EHU/UPV no programa "Estratexias científicas interdisciplinares en patrimonio e paisaxe, ECIPP".
Desde 1991 é funcionaria de carreira do Concello de Vitoria-Gasteiz, onde coordinou a redacción de dous plans xerais de ordenación urbana.
En 2000 foi nomeada delegada do Goberno vasco en Araba na Área de Ordenación do Territorio, Vivenda e Medio Natural.
En 2001 foi nomeada directora de Augas do Goberno vasco, responsable da planificación integral da auga, de obras de abastecemento, saneamento, defensa contra inundacións e xestión de fondos de cohesión da UE para execución de infraestruturas.
En 2005 foi viceconsejera de Ordenación do Territorio e Augas, responsable da redacción e aprobación da Lei de augas e do deseño e posta en marcha da axencia vasca da auga.
De 2012 a 2016 foi conselleira de Medio Natural e Política Territorial no Goberno vasco, responsable, entre outros asuntos, da culminación das declaracións de espazos ZEC da Rede Natura 2000, da posta en marcha da revisión participativa das Directrices de Ordenación do Territorio (DOT), da aprobación do Decreto de paisaxe e do impulso de diversos plans e obras de infraestruturas do ciclo integral da auga e de mobilidade sustentable.
Desde 2016 a 2019 foi parlamentaria por Araba no Parlamento vasco, onde é presidenta da comisión de Dereitos Humanos e Igualdade, presidenta do relatorio de memoria e convivencia, portavoz na comisión de control de EITB (Radio Televisión Pública Vasca), portavoz no relatorio para a reforma integral de EITB, membro da comisión de Turismo, Comercio e Consumo, membro da Comisión de incompatibilidades e coordinadora do intergrupo parlamentario para o seguimento e implementación dos Obxectivos de Desenvolvemento Sustentable (ODS).
Desde 2019 é tenenta de alcalde do Concello de Vitoria-Gasteiz e concelleira delegada da Área de Territorio e Acción polo Clima, onde é responsable das políticas de sustentabilidade, clima, enerxía, medio natural e urbanismo.
Amalia López Acera
É a xefa de Comunicación da Axencia Valenciana Antifraude, licenciada en Ciencias da Información e cun máster en Márketing Dixital e Social Media.
Funcionaria da Administración, traballou como responsable de Comunicación e Redes Sociais do Servizo Valenciano de Emprego e como xornalista no Concello de Calp.
Acaba de publicar o libro Guía para elaborar un plan de comunicación en la Administración pública.
Recibiu, entre outros, os seguintes recoñecementos:
- Premio Novagob 2015 ao membro máis destacado da Administración pública
- Premio á Tuitera máis Influente do Foro de Economía da Universidade de Valencia
- Premio CNIS 2016 á mellor xestión de redes sociais
- Premio Día de Internet 2017 á mellor marca persoal en redes sociais
- Premio Novagob 2018 á muller máis destacada da Administración pública
Águeda Gómez Suárez
Doutorouse en Socioloxía pola Universidade de Santiago de Compostela (USC) no 2001, licenciouse en Socioloxía pola Universidade Complutense de Madrid en 1994 e especializouse en Praxe da Socioloxía do Consumo pola Universidade Complutense de Madrid en 2005.
É titular de universidade en Socioloxía na Universidade de Vigo (UVigo) desde 2011. Posúe un sexenio en Investigación.
Desde o ano 1998 é profesora de Socioloxía na UVigo e actualmente tamén é a directora da Unidade de Igualdade desa universidade.
As súas liñas de investigación principais refírense a etnicidade, xénero, acción colectiva, masculinidades, prostitución e América Latina.
Recentemente publicou Formas extremas de violencia contra las mujeres: escenarios de prostitución, violencia y explotación sexual, editado pola USC-CIFEX.
Ana José Varela González
Licenciada en Dereito e Administración de Empresas E-3 pola Universidade Pontificia de Comillas (España), e máster MBA de Columbia Business School (EUA), conta con diplomas en servizos financeiros, estratexia e liderado de prestixiosas escolas e universidades como o Instituto de Empresa (España), Harvard (Boston, EUA) ou UCLA (Los Ángeles , EUA).
Comezou a súa carreira como consultora para The Boston Consulting Group. Máis tarde asumiu varios cargos de alta dirección en banca, en seguros e no sector sen fins de lucro.
Desde 2017 é directora financeira da Organización para a Cooperación e o Desenvolvemento Económicos (OCDE). É a primeira muller e a primeira española nomeada directora financeira. Lidera un ambicioso programa de transformación dixital en toda a organización. Coordina a planificación estratéxica, o programa de traballo e o orzamento (>700 M €). Liderou complicadas negociacións orzamentarias cos 37 membros logrando, aínda nun ano de crise como 2020, importantes incrementos orzamentarios rompendo tendencias anteriores de orzamentos decrecentes.
É a interlocutora principal fronte aos embaixadores e delegacións en cuestións de reporting e tamén fronte ás auditorías internas e externas. Ademais é a executiva responsable da tesourería, o control interno, a contabilidade, as compras e a informática corporativa.
Internamente nos seus equipos impulsou activamente un plan de diversidade que conseguiu importantes resultados, aumentando a porcentaxe de mulleres (na actualidade por encima do 50 % nos de finanzas) e a diversidade xeográfica, con 22 nacionalidades diferentes.
É membro do grupo de directores (entre os que é a única española) e do equipo executivo, tamén exerce a Secretaría do Comité de Orzamento, un dos tres comités permanentes da OCDE, onde están representados os 37 países membros.
En 2015 foi unha das 25 mulleres elixidas en todo o mundo (a única española) para participar no Programa de Liderado para Mulleres (WLP) de Eisenhower Fellowships 2015, programa internacional que premia a traxectoria das e dos profesionais líderes no seu ámbito comprometidos coa creación dun mundo máis pacífico, próspero e xusto.
Presidiu Torusware, unha empresa emerxente de software, e Nasasbiotech, unha empresa de biomedicina para a que acadou máis de 12 M de dólares de financiamento.
Oradora frecuente en conferencias nacionais e internacionais, xuntanzas, foros empresariais e universidades, promoveu diversas accións para mellorar a competitividade en áreas como o I+D ou a organización territorial.
Membro fundador do Consello Español de Fundacións pola Ciencia e do capítulo español de Women Corporate Directors, tamén foi moi activa en filantropía internacional a través do European Foundation Financial and Investment Officers Group (é a única española que pertenceu a este grupo).
Membro do Foro Económico de Galicia, de International Women´s Forum e fundadora do Club de Executivas Españolas en París, colabora activamente con múltiples iniciativas que traballan pola visibilidade da muller nos ámbitos profesionais como Inspiring Girls, Women to Watch, Women Angels for STEAM, Edu-referentes ou Executivas de Galicia.
Foi nomeada Muller Referente por Executivas de Galicia e en 2021 foi candidata na primeira edición das top 10 na categoría exterior.
Inmaculada Viña Carregal
Na actualidade é directora de servizos do órgano para a xestión, recadación e inspección dos tributos e ingresos locais delegados polos concellos na Deputación de Pontevedra.
É funcionaria da Administración local con habilitación de carácter nacional na subescala de Intervención-Tesourería categoría superior, accedeu a este corpo no ano 1989.
Está en posesión do diploma de directivos da Xunta de Galicia (desde o ano 2004).
Foi secretaria xeral e de Patrimonio da Consellería de Economía, Facenda e Patrimonio da Xunta de Galicia durante a presidencia de Emilio Pérez Touriño.
Foi presidenta da Xunta Consultiva de Contratación Administrativa de Galicia na súa calidade de secretaria xeral da Consellería de Economía, Facenda e Patrimonio
Membro de diversos consellos de administración de empresas públicas da Comunidade Autónoma de Galicia, do Consello de Administración da Cidade da Cultura de Galicia e de fundacións públicas da comunidade autónoma.
Foi interventora xeral en municipios de gran poboación coma o concello de Mataró, en Cataluña, durante 10 anos, e o de Santiago de Compostela, durante 8 anos, neste último concello tamén foi vicetesoureira.
Foi interventora xeral, xefa de Contabilidade e do Orzamento en diversos concellos de réxime común coma Oleiros e As Pontes, en Galicia, e Molins de Rei e Calella en Cataluña.
Experiencia na xestión económica e financeira en fundacións públicas, privadas e sociedades mercantís públicas locais, membro do consello de administración sen voto e tamén na área de control financeiro.
Foi profesora universitaria asociada de Dereito Tributario durante os cursos académicos de 1995 ao 2000 na Escola Universitaria do Maresme (UPF).
Foi responsable administrativa e financeira na xestión de programas europeos locais en Galicia e Cataluña.
Experiencia docente non universitaria en materias económicas e orzamentarias. É membro de diversos tribunais para o acceso á función pública en postos directivos desta.
Concepción Campos Acuña
Doutora en Dereito; secretaria de Administración local, categoría superior; académica correspondente da Real Academia de Xurisprudencia e Lexislación de España; asociada de número da Academia Internacional de Ciencias Político-Administrativas e Estudos de Futuro (IAPAS) de México; codirectora da Rede Localis; membro do Consello Editorial de Actualidade Administrativa; do Consello de Redacción da Revista Vasca de Gestión de Personas y Organizaciones Públicas e do Consello Avaliador Externo da revista Gabilex. É presidenta da Asociación de Mulleres no Sector Público.
Autora de máis de cen publicacións en revistas especializadas e de diversas monografías, dirixiu e coordinou varias obras colectivas en materia de xestión pública, integridade, transparencia e contratación pública, a máis recente é La gestión de los fondos Next Generation. É relatora e conferenciante en institucións públicas e privadas, tanto a nivel nacional como internacional, e profesora en másters universitarios y coordinadora de Liderado no máster UIMP-INAP de funcionarios de Administración local con habilitación de carácter nacional.
Colabora en traballos de investigación, prelexislativos e de reforma coas distintas administracións públicas e, en particular, coa FEMP, onde coordina o Grupo de Traballo Integridade na Contratación Pública Local. O seu traballo foi obxecto de recoñecementos como o VII Premio Masaguer i Mir ao mellor libro de Dereito local, o Premio Innovadora Pública Destacada 2016 e o III Premio Ferrán Termes para a mellora da transparencia e a eficiencia na xestión 2019.
M.ª Xosé Rodríguez Galdo
Catedrática de Historia e Institucións Económicas. Profesora Emérita da Universidade de Santiago de Compostela (USC).
Foi directora do Centro de Estudos Avanzados-Casa Europa, vicerreitora da USC entre os anos 1984-1986 e directora do Instituto Universitario de Estudos e Desenvolvemento de Galicia (IDEGA) de 1986-1991.
É autora de numerosos libros e artigos de investigación en temas relacionados coa historia económica e empresarial, a economía e o xénero ou a demografía e os procesos migratorios. Foi directora do Centro de Estudos de Poboación e Análise das Migracións (CEPAM) e do portal www.emigratio.com, pertence ao CIFEX e ao Seminario Mulleres e Universidades da USC.
Actualmente é vicepresidenta do Observatorio Galego de Dinamización Demográfica.
María Cadaval Sampedro
Profesora de Economía Aplicada na Universidade de Santiago de Compostela (USC), directora da Cátedra Iberoamericana, doutora en Economía con Mención Europea, Premio Extraordinario de Doutoramento e máster en Administración Financeira e Tributaria.
Membro do Foro Económico de Galicia e do grupo de traballo Galicia 2040, pertence á Rede de Investigadores en Financiamento Autonómico e Descentralización Financeira en España (RIFDE), coordinadora da Rede Local de Administración Pública Localis, membro da Rede Internacional de Economía Pública Local e do Observatorio Internacional da Regulación das Entidades do Sector Público (OIRESP), forma parte do Cros-Research in Environmental Technologies (CRETUS) para o desenvolvemento das tecnoloxías ambientais sustentables.
No ámbito da xestión universitaria foi adxunta ao Vicerreitorado de Estudantes, Cultura e Responsabilidade Social Corporativa, con funcións na coordinación da área do Servizo Universitario de Residencias e RSC da USC. É coordinadora de Erasmus para Noruega, Alemaña e Portugal, e do programa de intercambio bilateral entre a USC e América Latina. Membro do consello de redacción de varias revistas especializadas, foi coeditora da revista e-Xesta en Brasil e editora adxunta de Urban Public Economics Review. É membro do consello editorial da revista Administración&Cidadanía (EGAP) e colabora con institucións internacionais coma o BID, a CEPAL etc.
No ámbito da divulgación, participa en diferentes medios de comunicación para a difusión da actividade académica e científica, coordina un blog especializado en financiamento público do xornal económico Expansión e, con carácter xeralista, colabora en varios medios de comunicación, prensa escrita, radio e TV.
M.ª Elena Vázquez Cendón
Profesora de Matemática Aplicada na Universidade de Santiago de Compostela (USC). Naceu en Ourense o 2 de marzo de 1966. Estudou o Bacharelato e COU no IES As Lagoas desa cidade. En 1984 trasladouse a Santiago de Compostela para estudar Ciencias Matemáticas, carreira na que se licenciou, graduou e doutorou. Desde 1997 é profesora titular do Departamento de Matemática Aplicada.
Forma parte do grupo de investigación en Enxeñaría Matemática coordinado polo profesor Alfredo Bermúdez de Castro, director da súa tese de doutoramento. A temática da súa investigación ten diferentes ámbitos de aplicación.
Forma parte da Sociedade Española de Matemática Aplicada (SEMA) desde a súa constitución, da Asociación Galega de Investigadores da Auga (AGAIA) e da Asociación Galega de Comunicación de Cultura Científica e Tecnolóxica DivulgAcción.
Coordinadora xeral, desde xullo de 2014 ata setembro de 2018, do programa de Estímulo do Talento Matemático (ESTALMAT-Galicia) para nenas e nenos de 12 a 15 anos en Galicia. Responsable do seguimento dos egresados e da conexión do proxecto coas STEM desde setembro de 2018 e presidenta de Estalmat-Galicia desde o 10 de abril de 2021. É membro do Instituto de Matemáticas da USC e investigadora adscrita ao Instituto Tecnolóxico de Matemática Industrial.
É coordinadora xeral do máster en Matemática Industrial impartido polas universidades de Santiago de Compostela, de Vigo, da Coruña, a Carlos III e a Politécnica de Madrid.
É decana da Facultade de Matemáticas da USC desde o 16 de xuño de 2017.
Actualmente participa no programa impartindo charlas e obradoiros en centros de ensino medio de Galicia tanto en temas de divulgación científica como de muller e ciencia, e colaborou nos cursos 2015-16 e 2016-17 cos programas "Diana" e "Ada", respectivamente, a proposta da Secretaría Xeral de Igualdade da Xunta de Galicia.
É membro do Plenario do Consello da Cultura Galega desde maio de 2018 e da Sección de Ciencia, Natureza e Sociedade do Consello da Cultura Galega desde 2012 e coordinadora dela desde xullo de 2018. É membro da Unidade de Muller e Ciencia da Xunta de Galicia. Forma parte do directorio de Referentes Galegas.
Ana Concheiro Guisán
Doutora en Medicina pola Universidade de Barcelona.
Actualmente é xefa de Pediatría do Hospital Universitario Álvaro Cunqueiro de Vigo. Anteriormente foi xefa de Sección de Neonatoloxía, coordinadora do Banco de Leite Humano de Vigo, profesora asociada de C. Saúde na Universidade de Santiago de Compostela, docente en varios másteres universitarios e directora de teses de doutoramento e de traballos fin de grao ou fin de máster.
Ten máis de 300 horas lectivas en cursos de formación especializada en Pediatría e Neonatoloxía e participou como investigadora en diversos proxectos de investigación sobre financiamento público.
É autora de numerosas publicacións científicas.
Tatiana López del Río
Esta empresaria de tecnoloxía é presidenta e CEO de Nanogap, empresa que fundou en 2006, e achega unha formación completa en desenvolvemento de negocios, química e finanzas. Axudou a construír o portfolio Nanogap e liderou avances no desenvolvemento dos seus negocios, licenzas, desenvolvemento de proxectos e asociacións estratéxicas. É licenciada en Ciencias da Química pola Universidade de Santiago de Compostela executive MBA por ESADE Business School de Barcelona.
Consuelo Castro Rey
- Naceu en Lugo o 27 de xullo de 1964
- Licenciouse en Dereito pola Universidade Complutense de Madrid en 1987
- Ingresou no corpo de avogados do Estado en 1989
- Nomeada avogada xeral do Estado-directora do Servizo Xurídico do Estado polo R. d. 716/2018, de 29 de xuño, o 30 de xuño de 2018
- Avogada do Estado-xefa na Comunidade Autónoma de Galicia (2007-2018)
- Avogada do Estado-xefa na Avogacía do Estado na Coruña (2004-2007)
- Avogada-xefa do Servizo Xurídico Rexional da Axencia Estatal de Administración Tributaria en Galicia (1998-2004)
- Avogada do Estado na Avogacía do Estado na Coruña (1992-1998)
- Avogada do Estado no Ministerio de Sanidade e Consumo en Madrid (1990-1992)
Tamén desempeñou as funcións de vogal do Xurado Provincial de Expropiación da Coruña, secretaria do Tribunal Económico Administrativo Rexional de Galicia, vogal da Comisión de Garantías de Videovixilancia da Comunidade Autónoma de Galicia e vogal do Consello de Administración e asesora xurídica das autoridades portuarias da Coruña e de Vilagarcía de Arousa.
Neste momento forma parte, como representante de España, do grupo de traballo sobre dereitos humanos e migración do Comité de Dereitos Humanos do Consello de Europa, do que ostenta a vicepresidencia.
Impartiu cursos, seminarios e relatorios, entre outros lugares na Universidade Internacional Menéndez y Pelayo, na Conferencia das Rexións Periféricas Marítimas de Europa, no Instituto de Estudos Fiscais-Escola de Facenda Pública, na Escola de Verán do Ministerio Fiscal, no Consello Xeral do Poder Xudicial, nas Xornadas de Estudo da Avogacía Xeral do Estado, nas Xornadas de Estudo de Portos do Estado, na Escola Galega de Administración Pública, nas universidades da Coruña e de Santiago de Compostela e na Escola de Práctica Xurídica do Colexio de Avogados da Coruña. Deu tamén numerosos cursos de formación para o funcionariado das administracións central, autonómica e local.
Outros méritos:
- Membro do Consello Asesor da Revista de Derecho, Agua y Sostenibilidad da Universidade de Vigo
- Académica de número da Real Academia Galega de Xurisprudencia e Lexislación
Distincións:
- Cruz distinguida de segunda clase da Orde de San Raimundo de Peñafort
- Cruz distinguida de primeira clase da Orde de San Raimundo de Peñafort
- Cruz ao mérito da Garda Civil con distintivo branco
- Premio Lois Pena Novo 2015
Capitolina Díaz Martínez
Catedrática de Socioloxía da Universidade de Valencia.
Os seus principais campos de investigación son a socioloxía de xénero/sexo, a metodoloxía de análise de xénero/sexo, a socioloxía da educación, as políticas públicas con perspectiva de xénero/sexo e desigualdade e relacións de poder na familia. Nestes campos é autora e coautora de máis de 100 artigos, libros e capítulos de libros. Os máis recentes son: Menores en disputa, Valencia: Tirant lo Blanch (2020); "Sesgos de género ocultos en los macrodatos: ¿Hombre es a mujer como trabajo es a madre?", REIS (2020); "Transformaciones y variaciones en la práctica social de las mujeres", en Antonio Ariño (2019); La sociedad valenciana en transformación (1975-2025); "Diez años de igualdad en cifras", en Asunción Ventura e Santiago García (eds.) (2018); El derecho a la igualdad efectiva de hombres y mujeres, Madrid: Thomson Reuters-Aranzadi; "Mujeres de ciencias, mujeres en las ciencias, ciencias con mujeres", en Rita Rald, Ana I Santos (ed.) (2018); Memoria, género y educación, Santiago de Compostela: Universidade de Santiago de Compostela.
Entre os seus últimos proxectos de investigación atópanse: "Autoridad parental, custodia y visitas", "Brecha salarial de género en las universidades", "Sesgos de género en los macrodatos" e "Brecha salarial de género y brecha de género de cuidados".
Realizou estancias de docencia e investigación nas universidades de Stanford e Harvard (EUA), na Universidade Nacional Autónoma de México (UNAM), na Universidade Autónoma de México (UAM), na Universidade do Comahue e na Universidade de Bos Aires (Arxentina) e na Universidade de Moa (Cuba). Foi profesora en másteres de xénero nas universidades de Vigo, Salamanca, Oviedo, Valencia e Jaume I de Castellón.
Creou un curso en liña sobre a Inclusión da Perspectiva de Xénero/Sexo na Investigación e a Innovación, que imparte en máis dunha ducia de universidades e centros de investigación en España, Latinoamérica e para equipos de H2020.
Presidiu a Asociación Española de Mulleres Científicas e Tecnólogas (AMIT). Na Universidade de Valencia puxo en marcha o grupo de xénero e ciencia que ten o dobre carácter de grupo investigador e docente, aínda que non é un grupo oficialmente recoñecido.
Foi directora xeral de Igualdade no Emprego no Ministerio de Igualdade (2008-2010); Conselleira de Ciencia na Representación Española ante a UE-REPER (2008) e directora da Unidade de Mulleres e Ciencia do Ministerio de Educación e Ciencia (2006-2008).
É a impulsora da creación do software CaDi, en proba, para corrixir os nesgos de xénero na linguaxe, que está a ser desenvolvido polo Departamento de Enxeñería Informática da Universidade Iberoamericana de México.
Margarita Parajó Calvo
Doutora en Dereito e titular da Asesoría Xurídica do Concello de Vigo.
Formación a académica
En 1997 licenciouse en Dereito pola Universidade da Coruña, cursou no ano académico 1996-1997 a materia de Institucións de Dereito Comunitario (60 horas lectivas) da Acción Jean Monnet.
En 2003 fíxose especialista universitaria en Ordenación e Desenvolvemento Territorial, Departamento de Xeografía da Universidade de Santiago de Compostela (260 horas).
En 2015 doutorouse en Dereito, coa cualificación de sobresaliente cum laude, na Facultade de Ciencias Xurídicas e do Traballo da Universidade de Vigo (UVigo).
En 2017 fixo o máster en Cidadanía e Dereitos Fundamentais na UNED.
É experta universitaria en Igualdade e non Discriminación, Xénero e Cidadanía pola UNED (375 horas).
En 2018 fixo o máster universitario en Dirección Pública e Liderado Institucional na UVigo.
En 2019 fixo o máster universitario en Liderado e Dirección Pública do Instituto Nacional de Administración Pública e da Universidade Internacional Menéndez Pelayo.
Traxectoria profesional
2002: técnica de Xestión interina do Concello de Mos realizando funcións en materia de disciplina urbanística, medio natural e persoal (nomeamento o 5/4/2002).
De 2002 a 2003: técnica de Administración Xeral interina no Concello de Pontevedra na Sección de Patrimonio (nomeamento o 29/8/2002).
2003: técnica de Administración Xeral do Concello de Vigo, funcionaria de carreira (nomeamento por Resolución o 3/2/2003).
De 2003 a 2004 ocupou o posto de técnica de Administración Xeral no Servizo de Infraestruturas e Medio Natural (nomeamento o 5/2/2003).
De 2004 a 2005 desenvolveu as súas funcións no departamento de Planeamento e Xestión Urbanística na Xerencia Municipal de Urbanismo do Concello de Vigo.
De 2005 a 2011 ocupou diversos postos dentro da Asesoría Xurídica municipal con funcións de defensa letrada (2005-2009), asesora xurídica adxunta (2008-2009) e xefa do Servizo de Recursos e Asesoramento (2009-2011).
Desde o 2011 ata a actualidade ocupa o posto de titular da Asesoría Xurídica do Concello de Vigo (nomeada por Acordo da Xunta de Goberno local do 8/7/2011).
Relatorios
Participou en diversos relatorios na EGAP en 2010 e 2011, no Colexio de Avogacía de Pontevedra en 2013, na Facultade de Dereito da Universidade de Santiago de Compostela en 2016, na formación organizada polo Concello de Pontevedra en 2017, na Facultade de Ciencias Xurídicas e do Traballo da UVigo en 2015 e 2018 e no I Congreso Virtual en Contratación Pública (PECoP en 2020.
Publicacións
“Rehabilitación edificatoria, regeneración y renovación urbana en Galicia” na Revista de urbanismo y edificación, núm. 45, 2020, páxs. 15-76. M.ª Antonia Arias Martínez e Margarita Parajó Calvo
“El carácter transversal de la perspectiva de género en la nueva ley de contratos del sector público” na Revista española de derecho administrativo, ISSN 0210-8461, núm. 188, 2017, páxs. 239-290. M.ª Antonia Arias Martínez e Margarita Parajó Calvo
“La contratación pública estratégica y la protección de la igualdad de género”. Documentación del Seminario de Contratación Pública Estratégica. Instrumento para reforzar as políticas públicas sociais e de igualdade, Rede Armela, 2016: http://www.redearmela.org/ DOCS/Contratacion_estratexica_e_igualdade_de_xenero_Margarita_Parajo.pdf. Margarita Parajó Calvo
“Medios de impugnación dos instrumentos de planeamento e especialidades do procedemento contencioso-administrativo desde a perspectiva da defensa local” na Revista Galega de Administración Pública, EGAP, xaneiro-xullo 2011, pp.181-239. Margarita Parajó Calvo
Traducións: de Pedro Costa Gonçalves, José Miguel Carmona, “El impacto de la directiva de servicios en el ordenamiento jurídico portugués” (M. P. Parajó Calvo, tradución) en Giovanni Maria Caruso, Massimo Monteduro (coords.), Diana Santiago Iglesias (dir.), María Bertel (dir.) Libre prestación de servicios y administración local: análisis comparado de la transposición de la directiva Bolkestein diez años después, 2018, Aranzadi Thomson Reuters, pp. 275-307.
Última modificación: venres, 30 abril 2021