Vilanova de Arousa recibe unha achega de preto de 40.000 euros ao abeiro do Plan Concellos 2017
Cun investimento superior aos 620.000 euros, a institución provincial xa leva entregado o 90 % do importe total de Vilanova de Arousa dentro do
A Deputación de Pontevedra acaba de aprobar, a través dunha Resolución presidencial, unha nova achega ao Concello de Vilanova de Arousa ao abeiro da liña 1 de Investimentos do Plan Concellos 2017. Nesta quenda, a localidade do Salnés recibiu 39.409,35 euros para a canalización da rede de augas pluviais e para labores de pavimentación na parroquia de Caleiro.
Ademais, anteriormente a Deputación de Pontevedra xa destinara a Vilanova de Arousa 323.189,38 euros en liña 1 para o acondicionamento da ampliación dun centro de formación con novas tecnoloxías no pazo de Vista Real, a adquisición dun escenario modular, a urbanización da praza do Parque, a realización de melloras no alumeado do campo de fútbol de San Miguel de Deiro e para adquirir cadeiras que destinará á realización de eventos, un tractor e unha rozadoira e tamén equipamentos infantís para o xardín de Umbrío, para pavimentar a rúa Concepción Arenal, para realizar o acondicionamento da pasarela do Terrón e para o subministro de equipamento infantil e deportivo. Ademais, 103.764,83 euros en liña 2 para gastos correntes e actividades como a actuación musical da Festa do Mexillón e do Berberecho e a Festa do Momo e, finalmente, outros 155.647,25 euros para a contratación de 18 persoas que desempeñarán as súas funcións nos diversos servizos municipais da vila, a través da liña 3 de Emprego do plan.
Coa suma desta nova achega, a porcentaxe de adxudicación do Plan Concellos 2017 da Deputación de Pontevedra en Vilanova de Arousa sitúase neste momento no 90 %. Isto supón que o concello xa dispón de 622.010,82 euros dun total de preto de 700.000 euros.
