Pazos de Borbén recibirá este ano case 400.000 euros do Plan Concellos da Deputación, un 4 % máis que en 2016, un punto máis que a media da provincia
O Plan da Deputación para 2017 achégalles unha media dun 3 % máis de cartos aos concellos da provincia, dos que Pazos de Borbén é, cunha subida de máis de 15.000 euros, un dos máis beneficiados
A Deputación de Pontevedra achegaralle ao Concello de Pazos de Borbén durante 2017 no marco do Plan Concellos un total de 394.809,70 €, 15.027,16 € máis que en 2016, o que representa un crecemento do 3,96 % con respecto ao ano pasado, case un punto máis que a media provincial. En 2016 Pazos de Borbén xa tivo un 11,12 % de incremento respecto a 2015 (o que se traduciu en 38.022,70 € máis). Á marxe do Plan Concellos, Pazos de Borbén recibirá este ano outras axudas e subvencións, enmarcadas nas diferentes áreas de actividade da Deputación de Pontevedra, ás que o Concello poderá concorrer.
Investimentos en 2016
Durante 2016 a Deputación de Pontevedra investiu en Pazos de Borbén un total de 690.929,27 €. En liñas xerais, desta contía, 379.782,54 € correspondéronse co Plan Concellos. Así mesmo, a institución provincial investiu 31.313,26 € en mobilidade, 32.548,14€ en cohesión social e xuventude, 18.845,76 € en emprego, 16.025,36 € en cultura e lingua e 2.119,00 € en deportes.
En concreto, Pazos de Borbén investiu 223.122,24 € da liña 1 do Plan Concellos para a ampliación da rede de saneamento en Masuán. A través da liña 2, de amortizacións, Pazos de Borbén destinou 56.967,38 € para gasto corrente novo; coa liña 3, de actividades, o Concello investiu 14.149,50 euros para a Semana Deportiva do Fútbol, un curso de baile de salón, o Entroido 2016, a XV Festa da Cacheira, unha excursión a Marcelle Natureza e outra a un parque acuático; e, finalmente, Pazos de Borbén destinou 84.267,60 € da liña 4, de emprego, para a contratación de dous auxiliares de arquivo e 18 persoas para a recollida de lixo.
No caso do fomento da cultura e lingua, o Concello recibiu 16.025,36 € da Deputación de Pontevedra, que se destinaron a 25 actuacións do Pontegal, actividades de dinamización lingüística, e sinalización e rehabilitación do patrimonio histórico e da memoria .
Tamén se destinaron 32.548,14 € para cohesión social e xuventude, ben a través dos servizos sociais especializados e comunitarios municipais, da teleasistencia domiciliaria (da que se beneficiaron cinco persoas) e das axudas básicas de emerxencia ben mediante os programas "En ruta coa Depo" (no que participaron dúas asociacións), "Tecendo lazos", "Depotermal", "DepoRúarte", "Depo en marcha" (cinco actividades) ou "Depo Aventura A Lanzada", no que participaron sete nenas e nenos do concello.
Así mesmo, Pazos de Borbén recibiu 2.119,00 € para tres clubs de deporte federado de base, para a participación en ligas e competicións oficiais, e para que tres equipos participasen na Copa de Fútbol Deputación de Pontevedra. Tamén obtivo 18.845,76 € para o fomento do emprego a través do Plan de práctica laboral, que permite que dúas persoas estean a desenvolver a súa primeira experiencia laboral no Concello de Pazos de Borbén.
Ademais, a institución provincial achegou 31.313,26€ en materia de mobilidade, para o Plan Móvese e para obras de sinalización horizontal nas vías provinciais de Pazos de Borbén.
