O Goberno de Carmela Silva destina máis de 45.000 euros a Marín no marco do Plan Concellos 2017
A Deputación de Pontevedra leva entregado o 79,58 % do total destinado a Marín dentro do plan, cun investimento situado en máis dun millón de euros
A Deputación de Pontevedra acaba de aprobar por Resolución provincial unha nova achega ao Concello de Marín no marco do Plan Concellos 2017, dentro da súa liña 1 de Investimentos. Nesta ocasión, a institución provincial, presidida por Carmela Silva, achegará 45.919,11 euros para a mellora do alumeado público exterior da EP-1203.
Ao abeiro do Plan Concellos 2017, anteriormente a institución provincial xa destinara a Marín outros 618.983,49 euros en liña 1 para a reposición de pavimentos no rural, para a pavimentación da rúa Recamán, para a humanización da rúa Concepción Arenal e para a mellora do comportamento hidráulico do río Lameira. Ademais, tamén se destinou 152.483,02 euros para que o Concello de Marín puidese contratar a 24 persoas que desenvolveron as súas profesións nos distintos servizos municipais da localidade.
Coa suma desta nova achega, Marín xa ten recibido da Deputación de Pontevedra o 79,58 % do total do investimento que lle corresponde dentro do Plan Concellos 2017, isto é, 817.385,62 euros dun total de preto de 1.027.183,01 euros.
