Carmela Silva oferta as persoas empresarias do Deza apoio para a promoción do emprendemento
A presidenta da Deputación mantivo hoxe unha xuntanza de traballo cos directivos da Asociación de Empresarios do Deza
A presidenta da Deputación de Pontevedra, Carmela Silva, mantivo esta tarde unha xuntanza de traballo cos directivos da Asociación de Empresarios do Deza (AED) na que ofreceulles toda a axuda da institución provincial na promoción do emprendemento da comarca.
Na xuntanza co presidente de AED, Antonio Lamas, tamén estiveron presentes o alcalde de Lalín, Rafael Cuíña e o tenente de alcalde, Nicolás González Casares, abordáronse diversos aspectos de colaboración co empresariado da comarca e a Presidenta informoulles de todas as posibilidades que abre o proxecto SmartPeme para o asesoramento en novas tecnoloxías para todo o empresariado.
Carmela Silva subliñou que dende a Deputación existe o compromiso do actual equipo de goberno de potenciar os sectores produtivos da nosa provincia colaborando con traballadores e empresarios e sempre buscando as sinerxias como eido da máxima cooperación.
A presidenta da Deputación tamén planteoulles os empresarios a posibilidade de colaborar cos espazos de formación e asesoramento que ambas entidades teñan na comarca de xeito conxunto aproveitando para garantir unha mellor información e formación dos empresarios e emprendedores.