A Deputación ultima o pintado de 378, 6 quilómetros de sinalización horizontal nas estradas provinciais do Condado-Paradanta
O deputado de Mobilidade Uxío Benítez sinala que só quedan por rematar os traballos en Ponteareas e Salvaterra, así como realizar pequenos retoques
O departamento de Mobilidade da Deputación de Pontevedra está xa a ultimar o pintado dos 378,6 quilómetros de sinalización horizontal das estradas provinciais do Condado-Paradanta. Os traballos comezaron o pasado mes de xuño e a día de hoxe só quedan por mellorar catro estradas de Ponteareas e dúas en Salvaterra, así como realizar pequenos retoques noutras xa pintadas. Segundo asegurou o deputado de Mobilidade Uxío Benítez a renovación das marcas de sinalización horizontal da rede viaria provincial enmárcase na nova filosofía do departamento de Mobilidade da Deputación que aposta pola seguranza viaria como un eixo clave.
Na comarca da Paradanta realizáronse 167 quilómetros de pintados horizontais. As estradas melloradas foron Franqueira –Cebreiro, Valeixe-Villar, e Cañiza-Pousa en A Cañiza, quedando por realizar pequenos traballos en Cañiza-Arbo, ata chegar aos 93,7 quilómetros de marcas viais en A Cañiza. En Covelo repintáronse 34,8 quilómetros nas estradas Lamosa-Franqueira-Achas, Covelo-Barciademera e Covelo-Paraño, restando remates en Prado-Moncelos. No caso do Concello de Arbo pintáronse as estradas Arbo-Cabeiras-Barcelas, Arbo-embarcadoiro, PO-400- estación, e queda por realizar o acceso a Luneda, sumando 24,4 quilómetros. Tamén se pintaron as estradas de acceso a Ponte Frieira en Crecente, Padrosos-Ameixeiras e Villar-Albeos, con 14,1 quilómetros de marcas.
Na comarca do Condado o orzamento das actuacións ascendeu a 74,807,39 euros e supuxeron a renovación da sinalización en 45,1 quilómetros de catro estradas en As Neves (44,9 quilómetros), seis en Mondariz (99,3 quilómetros), e 12,8 quilómetros en dúas estradas de Mondariz Balneario. No concello de As Neves repintáronse Setados-Ribarteme—Vide, Tortoreos-estación e As Neves-Estación; no concello de Mondariz foron Riofrío-Borbén, Riofrío-Vilar, Mondariz-Meirol, Meirol-enlace autovía, Lougares-Piñeiro e Ponte Val-Barciademera e en Mondariza Balnerario as estradas que van a Fozara e a Vilasobroso. Resta por executar o pintado de catro estradas en Ponteareas e de dúas estradas en Salvaterra do Miño, que se finalizará, seguindo as previsións e se o tempo o permite, no que resta do mes de xullo.
O plan global de mellora da sinalización horizontal promovido polo Departamento de Mobilidade está a mellorar 226 estradas de titularidade provincial, o que supón case as tres cuartas partes do total da rede de titularidade da Deputación, cunha lonxitude de 2.577 quilómetros de pintados. Tivo un orzamento xenérico de saída de 1,7 millóns de euros e foi adxudicado en catro lotes por un total de 1.409.319 euros. O segundo lote adxudicado inclúe as marcas viarias no Condado-Paradanta e Baixo Miño e foi adxudicado á empresa Viales Fernández por un orzamento de 185.400,64 euros.
O obxectivo do plan de sinalización horizontal é que se pinten as vías (liñas lonxitudinais, aparcamentos, illotes, cebreados, pasos de peóns) que nunca tiveron marcas viarias e se renove o pintado naquelas nas que polo paso do tempo e o uso xa estean desgastadas.
