A Deputación financia en Sanxenxo a construción de gradas e vestiarios no campo de fútbol de Dorrón
Trátase dun investimento da Liña 1 do Plan Concellos 2019 de case medio millón de euros
![](/documents/1076146/8344396/plan-concellos-19-900x600.jpg/47352b06-0045-42b0-a8d8-5de45d0e1e59?t=1547560122026?t=1547560122026)
A Deputación de Pontevedra aprobará este próximo venres en Xunta de Goberno un novo investimento para Sanxenxo con cargo á Liña 1 do Plan Concellos 2019. En concreto, serán 472.132,61 euros para a construción de gradas e vestiarios no campo de fútbol de Dorrón.
Máis polo miúdo, levarase a cabo a substitución das gradas e vestiarios actuais. Así, instalaranse gradas prefabricadas con cuberta metálica, vestiarios baixo as mesmas e todos os servizos complementarios necesarios, como un circuíto de auga quente sanitaria. A superficie construída desta obra é de 242,7 m2.