Posta en valor dos xacementos galaico-romanos da provincia de Pontevedra
Nome do programa: Posta en valor dos xacementos galaico-romanos da provincia de Pontevedra
Obxectivos: trátase de recuperar os xacementos galaico-romanos da provincia de Pontevedra, que permitirá mellorar a comprensión da dinámica socioeconómica de Galicia na antigüidade, e establecer unha articulación territorial desde a Idade de Ferro. Tamén supón unha ampliación da riqueza cultural e turística do destino Rías Baixas.
Destinatarios: a Deputación intervén desde o ano 2016 na recuperación de 18 xacementos arqueolóxicos en virtude co protocolo asinado co Ministerio de Fomento para poñer en valor o patrimonio galaico-romano:
- A Cabeciña, Oia
- Porta de Arcos, Rodeiro
- Toiríz, Silleda
- Castro de Penalba, Ponte Caldelas
- Mercado dos Mouros, Valga
- A Lanzada, Sanxenxo
- Adro Vello, O Grove
- Coto de Altamira, As Neves
- Alto da Cruz do Castro, Cerdedo-Cotobade
- Alto dos Cubos, Tui
- Castro da Subidá, Marín
- Castro Alobre, Vilagarcía de Arousa
- Castro de Troña, Ponteareas
- Castro do Facho de Donón, Cangas
- Castrolandín, Cuntis
- Igrexa Vella, Valga
- Monte do Castro, Ribadumia
- Santa Trega, A Guarda
Actividades que se desenvolven: desde labores de limpeza, mantemento e escavación ata actividades de promoción, creación de ambientes museográficos e rexistro dixital dos xacementos en 3D.
Medios: recursos humanos e materiais: técnicos de arqueoloxía, técnicos de restauración, peóns de escavación e limpeza, técnicos do Museo de Pontevedra. Contan con todos os materiais necesarios para levar a cabo as tarefas de escavación, limpeza e catalogación dos elementos.
Tempo previsto para a súa consecución: ata decembro de 2018
Última modificación: venres, 31 agosto 2018