Depotermal
Nome do programa: Depotermal
Obxectivos: fomentar o envellecemento activo e mellorar a calidade de vida das persoas maiores, establecendo novas relacións sociais e favorecendo a participación en actividades que melloren o seu estado anímico
Destinatarios: persoas empadroadas na provincia de Pontevedra que cumpran unha serie de requisitos.
Actividades que se desenvolven: "Depotermal" conta con dous programas termais:
- Programa de asistencia diaria: consiste en acudir cinco días consecutivos (de luns a venres), en quenda de mañá ou tarde, a utilizar durante un mínimo de dúas horas as instalacións do establecemento elixido.
- Programa termal con pernoita en réxime de pensión completa: estancia de seis días e cinco noites nun hotel con balneario, talaso ou spa da provincia de Pontevedra, con actividades de animación sociocultural.
Medios: recursos humanos e materiais a través dunha empresa especializada na materia.
Tempo previsto para a súa consecución: cada ano realízanse os traballos de implantación e desenvolvemento do programa.
Enlace da web: https://www.depo.gal/web/depotermal
Última modificación: luns, 21 outubro 2019