Aberto o prazo para o aboamento das taxas municipais de 2023
Desde o 4 de agosto ata o 4 de outubro está aberto o prazo para o aboamento das taxas municipais de 2023.
Se non ten o seu recibo de pagamento, recorde que pode obtelo e evitar recargas innecesarias a través dos seguintes medios:
- En https://ovt.depo.gal
- A través do enderezo electrónico informacion.oral@depo.gal
- Nos teléfonos 886 211 400 e 886 211 420
- Nas nosas oficinas
Información sobre as domiciliacións
A data do cargo en conta dos recibos domiciliados polo importe total de cada un é o 4 de setembro.
No día seguinte á data límite de pagamento en período voluntario o ORAL fará efectivo o cobro a través da vía de constrinximento, coa inclusión dos xuros de mora e das recargas que procedan no seu caso. É importante que vostede coñeza que pode domiciliar os seus recibos e evitar custos innecesarios.
A domiciliación tramítase:
- Na Oficina Virtual Tributaria de xeito sinxelo, rápido e seguro
- Na súa entidade bancaria a través da solicitude correspondente
- De xeito presencial na nosa rede de oficinas con cita previa (886 211 420/886 211 400)
- Por teléfono, a través do noso Centro de Atención Telefónica (886 211 420/886 211 400 ou en informacion.oral@depo.es )
Máis información sobre as taxas municipais aquí