SmartPeme pon en marcha esta próxima semana outros catro obradoiros online
Ata o 14 de outubro o programa de asesoramento tecnolóxico oferta cursos sobre Instagram, o Copywriting, a impresión dixital e os motores de reservas
A Deputación de Pontevedra, a través de SmartPeme, oferta esta próxima semana catro novas accións formativas impartidas de xeito online, enmarcadas na carteira de obradoiros que se imparten de forma telemática. As accións versarán sobre a utilización de Instagram enfocado á empresa, o Copywriting aplicado á web, a fabricación dixital e os motores de reservas para empresas turísticas.
En concreto, este mércores 13 impartirase o obradoiro "Como utilizar Instagram para promover a túa empresa I". Estará a cargo de Esther Garcinuño, Diplomada en Ciencias Empresariais, quen exporá a utilización sinxela deste aplicación e a forma de aproveitar o seu público potencial. Xa pola tarde, terá lugar o obradoiro "Copywriting aplicado á web e redes sociais", a cargo de Fátima Faílde, Licenciada en Publicidade e Relacións Públicas, onde falarase do significado deste termo e como empregalo correctamente.
O xoves 14 será a quenda de "Fabricación dixital. Impresoras de Filamento" de Manuel Freire, experto universitario en Robótica, quen dará a coñecer as tecnoloxías implicadas na fabricación dixital e permitirá deseñar unha peza 3D. O itinerario inclúe, amais da formación teórica, unhas 20h de practicas en impresores e escáner 3D. Para finalizar, pola tarde, Sonia Torres, Técnica de Empresas e Actividades Turísticas, falará dos "Motores de reservas para empresas turísticas", obradoiro que centrarase na boa utilización de do noso motor de reservas, entre outros conceptos, para sacarlle o máximo partido ao noso negocio turístico.
As persoas interesadas poden inscribirse a través do sitio web de SmartPeme na url de cada evento. Tamén é posible facelo enviando un correo ao enderezo info.smartpeme@depo.es ou no teléfono 886 202 020.
