Pontevedra acolle en marzo catro novas accións formativas do programa "SmartPeme"
Están dirixidas á adaptación das empresas e proxectos emprendedores da provincia ao novo escenario dixital no que desenvolver as súas actividades
A Deputación de Pontevedra programou para o mes de marzo catro novas accións formativas do programa "SmartPeme" en Pontevedra. Estas sesións están dirixidas á adaptación das empresas e proxectos emprendedores da provincia ao novo escenario dixital no que desenvolver as súas actividades e aproveitar as ferramentas existentes, co obxectivo de aumentar a súa competitividade.
Os cursos que se impartirán ata o 26 de marzo serán os seguintes: Iniciación ao SEO I: Conceptos, Palabras Clave e Primeiros Pasos, que se desenvolverá o xoves 5 de marzo de 19 a 21 horas, Como Utilizar Instagram para Promover a túa Empresa, que terá lugar o martes 10 de marzo de 19 a 21 horas, Iniciación ao SEO II: Optimiza a túa Páxina Web para Gañar Visibilidade, que se realizará o martes 17 de marzo de 19 a 21 horas, e Xornada Networking: Empresas Turísticas, que terá lugar o xoves 26 de marzo de 17 a 19 horas.
A totalidade destes obradoiros será impartida no Edificio Administrativo da Deputación (avenida Montero Ríos). As inscricións nas accións formativas pódense facer a través da aplicación, número de teléfono 886 202 020, no correo electrónico info.smartpeme@depo.es ou na páxina web www.smartpeme.depo.gal.
"SmartPeme" oferta ás persoas emprendedoras e pemes servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de empresarios e empresarias e de mozos e mozas autónomas.
