O Goberno de Carmela Silva destina a Arbo unha nova achega por valor de preto de 80.000 € ao abeiro do Plan Concellos 2018
Arbo recibiu xa o 23,7 % dos máis de 700.000 euros que a Deputación de Pontevedra pon este ano á súa disposición no marco do plan provincial
A Xunta de Goberno da Deputación de Pontevedra aprobou unha nova achega para Arbo ao abeiro da liña 1, de Investimentos, do Plan Concellos 2018-2019. Con este investimento, Arbo recibirá 79.482,48 euros para realizar obras de acondicionamento no recinto das piscinas municipais.
Anteriormente, a Deputación de Pontevedra xa aprobou unha achega ao Concello de Arbo, dentro da liña 3 de Emprego do Plan Concellos 2018-2019, de 94.336,32 euros para contratar a 16 traballadoras e traballadores.
A presidenta da Deputación de Pontevedra, Carmela Silva, sinalou que "con esta nova achega, Arbo xa ten recibido da Deputación de Pontevedra o 23,7 % do total do investimento que lle corresponde dentro do Plan Concellos 2018-2019, que este ano pon a disposición da localidade 734.619,17 euros, un 73,44 % máis que en 2017".
