O Goberno de Carmela Silva destina 55.000 euros do Plan Concellos para unha nova actuación en Cuntis
Este investimento irá destinado a acondicionar un camiño rural no lugar de Trasponte
A Deputación de Pontevedra acaba de aprobar, mediante unha resolución provincial, unha nova axuda ao Concello de Cuntis por un valor de 55.000 euros ao abeiro do Plan Concellos 2018. Este investimento irá destinado ao acondicionamento dun camiño rural no lugar de Trasponte.
Ademais desta cantidade, o Plan Concellos 2018 xa adxudicou anteriormente varias axudas para o municipio pontevedrés. En concreto, 125.114,4 euros na liña 1 destinados a actuacións de eficiencia enerxética, ao acondicionamento da cuberta do pavillón municipal e ao do camiño rural Pista das Moreiras, entre outros. Ademais, 46.016,45 euros da liña 2 para actividades culturais, deportivas e festexos. Tamén 122.623,12 euros para a contratación de traballadoras e traballadores dentro da liña 3.
Ata este momento, a Deputación xa entregou 293.754,12 euros dos 929.208,67 euros totais que están destinados ao Concello de Cuntis no Plan Concellos 2018.
