O Goberno de Carmela Silva aproba outras tres achegas por máis de 120.000 € para Vilanova de Arousa
Estes investimentos irán destinados á subministración dunha pista multideporte, ao acondicionamento de camiños e ao reforzo de firme
A Deputación de Pontevedra acaba de aprobar, mediante resolucións provinciais, tres novas axudas ao Concello de Vilanova de Arousa por un valor total de 127.626,14 euros ao abeiro do Plan Concellos 2018. Dentro destes investimentos, 32.307 euros irán destinados á subministración dunha pista multideporte; 46.971,61 euros ao acondicionamento de camiños en San Miguel de Deiro; e 48.347,53 euros para o reforzo de firme en Caleiro.
Ademais desta cantidade, o Plan Concellos 2018 xa adxudicou anteriormente varias axudas para o concello. En concreto, 254.581,08 euros na liña 1 para equipar o ximnasio do multiusos, para a compra de terreos no Terrón ou para a adquisición dun local para o arquivo municipal, entre outros. Ademais, 70.896,82 euros da liña 2 para financiar actividades culturais de festexos. Tamén, 168.379,94 euros para a contratación de traballadoras e traballadores, dentro da liña 3.
Ata este momento, a Deputación xa entregou 493.857,84 euros de 1.303.860,85 euros totais que están destinados ao Concello de Vilanova de Arousa no Plan Concellos 2018.
