A Deputación de Pontevedra aproba un investimento de 250.000 euros para a mellora e seguridade da rede viaria do concello de Silleda
A achega corresponde á liña 1 de investimentos do Plan Concellos e cubre o total do orzamento das actuacións
Varias vías municipais de Silleda serán melloradas coa financiación da Deputación de Pontevedra mediante unha achega de 250.000 euros que vén de aprobar a Xunta de Goberno que preside Carmela Silva. Con esta axuda, que forma parte da liña 1 de investimentos do Plan Concellos e que cubre o total do orzamento das actuacións, o concello do Deza procederá a reparar o deterioro e mellorar a situación do firme nos lugares municipais do Marco, Maril, Cimadevila, Ribeirao, Vilaverde-Medelo e A Moa así coma no entorno urbano de Silleda .
En concreto, as vías sobre as que se efectuarán os traballo sitúanse dentro da trama rural e da rede viaria do termo municipal de Silleda. As actuacións se van realizar co fin de salvagardar a debida prestación do servizo público viario e manter as condicións óptimas de comodidade e seguridade para os seus usuarios. Do mesmo xeito, as obras teñen como finalidade alongar a propia vida útil das vías a través de actuacións de conservación e mantemento.
