Carmela Silva visita a biblioteca da aula da UNED en Vigo
A Deputación de Pontevedra investiu 800.000 euros na adaptación de tres plantas do auditorio Mar de Vigo para dependencias da Universidade a Distancia
A presidenta da Deputación de Pontevedra, Carmela Silva, acompañada do alcalde de Vigo, Abel Caballero e os deputados provinciais, Carlos Font, Santos Héctor e David Regades realizaron hoxe unha visita á biblioteca e sala de estudo da aula da UNED en Vigo, localizada no auditorio Mar de Vigo. Unha sala de estudo que tal e como recoñeceron o alcalde e a Presidenta abrirá as súas instalacións en cuestión de días para que todos os estudantes da cidade podan usala.
Carmela Silva recoñeceu que trataba dunha vella reclamación dos estudantes da Universidade de Vigo, cos cales mantivera varios encontros ao longo da pasada campaña electoral é que agora verán cumprido esta demanda "polo que se sentía enormemente satisfeita por poder compracer esa vella demanda dos estudantes".
A presidenta recordou que tivo que chegar un novo goberno á Deputación para mudar "0 abandono da anterior Deputación a Vigo" e poder contar dende xa conta esta sala de estudo de máis de 1.200 metros cadrados e cunha ocupación superior aos catrocentos postos de traballo "a máis grande Galicia e unha das maiores de todo o estado".
Silva subliñou que esta inversión era a máis importante de todas as feitas en Vigo "porque estes 800.000 euros adicados a UNED, adicados a ensinanza sempre son moi especiais. Porque creo profundamente na educación e que ten que ter os maiores investimentos dunha administración"
Pola súa banda, o alcalde Abel Caballero subliñou as instalacións desta sala de estudo e biblioteca ao nivel das mellores do mundo e ademais "cunhas vistas a ría de Vigo inigualables".
A sala de estudo e biblioteca ten máis de 400 prazas e dará servizo ó alumnado dos trece graos da UNED de Vigo e o do resto das facultades da localidade (Dereito, Enxeñería en tecnoloxías da información, Enxeñaría informática, Turismo, Educación Social, Estudos Ingleses, ADE, Ciencias Ambientais, Psicoloxía, Ciencias Políticas e da Administración, Pedagoxía, Xeografía e Historia e Historia da Arte). Será a sala de estudo e biblioteca máis grande da cidade, con máis de 1.200 metros cadrados.
