Carmela Silva presentará mañá mércores no castelo de Soutomaior as novas rutas de sendeirismo que percorren o complexo
A presidenta tamén avaliará os danos ocasionados no complexo polo temporal da pasada semana
O complexo do castelo de Soutomaior reabre mañá oficialmente as súas portas despois de que este martes rematasen os traballos do persoal do Servizo de Medio Ambiente da Deputación de Pontevedra para reparar os danos provocados polo temporal, durante o que se decretaron as alertas laranxa e vermella na provincia de Pontevedra, e se restablecese a seguridade no recinto.
Coincidindo coa reapertura do recinto a presidenta da Deputación de Pontevedra, Carmela Silva, presentará mañá, ás 11:30 horas, no complexo do castelo de Soutomaior, as tres novas rutas de sendeirismo (a das camelias, a da fraga e a dos viñedos) encadradas no Plan de usos dos castelos da provincia, unha aposta de turismo cultural e posta en valor do patrimonio provincial.
Así mesmo, Carmela Silva avaliará os danos producidos polo temporal dos pasados días no castelo de Soutomaior, que permaneceu pechado durante máis dunha semana por motivos de seguridade, e informará sobre a súa situación actual.
