A Estrada completa o investimento do Plan Concellos con dúas achegas de preto de 500.000 €
O 100% do investimento da Estrada ao abeiro do Plan Concellos supón unha achega á vila de 1.736.993,69 €
A Xunta de Goberno da Deputación de Pontevedra vén de aprobar dúas achegas ao concello da Estrada dentro da liña 1, investimentos, do Plan Concellos 2016. Deste xeito, aportáronse 241.999,99 € co obxectivo de pavimentar vías no casco urbano e, ademais, 223.055,24 € destinados a diversas obras e servizos do concello. En total, un investimento á vila de 465.055,23 € que completa os máis de 1,7 millóns de € que se lle destinan á Estrada neste plan.
Anteriormente, o Plan Concellos 2016 destinou á Estrada 908.178,40 € na liña 1 á reposición de servizos na rúa Fermín Bouza Brey, a unha actuación na rede de saneamento das Avenidas de Vigo e de Benito Vigo e á adquisición de dous camións equipados para a recollida de lixo e de 150 contedores para o mesmo fin, 298.622,80 en liña 4 co obxectivo de crear 34 postos de emprego nos servizos municipais da vila e, ademais, 65.137,26 € na liña 3 destinados ás seguintes actividades: un circuíto de carreiras, a Festa do Salmón, o VII Campus Deportivo de Verán, as escolas deportivas municipais, o VII Certame de Teatro do concello, a Festa Cabalar de Pascua e San Martiño, o Año ao Espeto, os Torneos 3x3 das Festas de San Paio e o Torneo de Tenis, o Teleclub da Comedia, as Marchas Cicloturistas BTT, a Rapa das Bestas e a Festa da Bicicleta.
Coa consecución do 100% do investimento achegado á Estrada dentro do Plan Concellos, a Deputación outorgou axudas a esta vila por valor de 1.736.993,69 €.
