A Deputación de Pontevedra destina a Cambados unha nova achega do Plan Concellos de 50.000 €
Con este investimento, o Goberno de Carmela Silva financiará as melloras no centro de saúde da vila
A Deputación de Pontevedra vén de aprobar, mediante resolución presidencial, un novo investimento destinado a Cambados ao abeiro do Plan Concellos. Trátase esta vez dunha axuda de 50.000 euros para financiar as melloras no centro de saúde.
Ademais desta cantidade, o Goberno provincial ao través do Plan Concellos xa adxudicou anteriormente varias axudas para o municipio. En concreto, 331.629,72 euros na liña 1 destinados a financiar a renovación das instalacións de alumeado público exterior do concello, ao proxecto museolóxico e museográfico Ramón Cabanillas na Casa da Calzada e á mellora na capa de rodaxe de camiños e vías municipais.
No que corresponde á liña 2, a Deputación de Pontevedra adxudicou 90.606,5 € para as Letras Galegas, para Semana Santa, para o Entroido, para Nadal e para un gasto corrente novo. E tamén, outros 215.155,76 € foron destinados á financiación da contratación de 24 traballadoras e traballadores que están a desempeñar funcións no concello, dentro da liña 3 do Plan de Concellos 2018.
A Deputación destina este ano a Cambados, ao través do Plan Concellos, un total de 1.632.202,09 euros, un 76,7 % máis que en 2017.
