A Deputación de Pontevedra achega máis de 36.000 € ao Concello de Arbo para a mellora dun camiño en Teimende
O goberno provincial entregou xa o 70,5% do total destinado ao municipio dentro do Plan Concellos 2016, o que supón un investimento na vila de 249.424,97 €
A Deputación de Pontevedra, mediante resolución presidencial, vén de achegar 36.301,46 € ao concello de Arbo para a mellora dun camiño en Teimende. Trátase dunha contía enmarcada dentro da liña 1 -investimentos- do Plan Concellos 2016 que vén desenvolvendo a institución provincial.
Estas axudas súmanse a outras xa entregadas pola Deputación a Arbo dentro do Plan Concellos 2016. Así, o municipio recibira ata agora 112.560,76 € dentro da liña 1 -investimentos- para financiar a merca dun tractor, a ampliación da rede de saneamento en Cabeiras e mellora na rede de abastecemento en Almuíña e Coto e a mellora de varios subministros dos servizos municipais. Ademais, na liña 2 achegáronse 11.483,38 € para gastos correntes e pago a acredores, así como outros 13.256,17 € na liña 3 -actividades culturais, deportivas, musicais e medioambientais- para financiar "Divertilandia", o concurso de carteis "LVI Festa da Lamprea", o servizo de atención psicolóxica, o IV Certame de Corais Vila de Arbo, o Verán Cultural 2016, o Entroido e o Torneo de Fútbol Vila de Arbo. Na liña 4 -plans de emprego- dende o Goberno provincial investiuse un total de 75.823,20 € para a contratación de 15 traballadores e traballadoras para realizar diversas tarefas municipais.
No que vai de 2016, a Deputación leva investido en Arbo un total de 249.424,97 € , o que representa o 70,5% do total destinado ao municipio dentro do Plan Concellos 2016.
