A Deputación concede unha axuda ao concello de Soutomaior para a mellora de lavadoiros
A Deputación leva concedidos o concello 153.785,97 €, o 32,43 % do presuposto total destinado a Soutomaior
A presidencia da Deputación de Pontevedra ven de adxudicar unha subvención ao concello de Soutomaior a razón do Plan Concellos 2016. A contía, enmarcada na liña 1, investimentos, ascende a 29.316,39 € e será destinada a obras para a mellora dos lavadoiros da Carrola e de Pedreira.
Esta axuda súmase aos 17.781,37 € concedidos pola Deputación no marco da liña 3, actividades culturais, deportivas, sociais, turísticas e medioambientais, destinados ao financiamento da festa da ostra en Arcade, actividades do verán 2016 e actividades do entroido; e, 106.688,21 €, liña 4, para a contratación de 17 traballadores e traballadoras que desempeñarán a súas labores no concello.
A Deputación de Pontevedra leva destinados a Soutomaior, no primeiro trimestre do ano, 153.785,97 € dentro do Plan Concellos 2016, o que representa o 32,43 % do presuposto total destinado ó concello.
