A Deputación aproba a inversión de 800.000 euros na Aula de Vigo da UNED
No convenio co concello de Vigo establécese a reforma de tres plantas do auditorio "Mar de Vigo" e a dotación de mobiliario para aulas e despachos
A Xunta de Goberno Deputación de Pontevedra aprobou na súa xuntanza o convenio de colaboración co concello de Vigo polo que a institución provincial concederá unha axuda para as obras de reforma de tres plantas del auditorio "Mar de Vigo" para instalación da Aula de Vigo da Universidade Nacional a Distancia (UNED).
O convenio contempla unha axuda máxima de 600.000 euros para as obras necesarias de reforma para a adecuación destas tres plantas como aulas, despachos e salas para a realización dos cursos da UNED. Tamén contempla outra subvención de 200.000 euros para a dotación de mobiliario e demais servizos nestas mesmas tres plantas.
Esta actuación enmárcase no protocolo oficial acadado entre a Deputación de Pontevedra e o Concello de Vigo o pasado mes de novembro polo que se regulan as inversións da institución provincial na cidade olívica e que establece que estás deberán ser fixadas mediante os correspondentes convenios independentes.
A Aula de Vigo da UNED, no acordo de creación de 2012, en principio, titorizaría as ensinanzas do curso de acceso directo a universidade para maiores de vinte cinco anos e organizaría actividades non regradas para alumnos da cidade e a súa zona de influencia.
A titorización das actividades non regradas incluídas nos programas da UNED de Extensión Universitaria e Cultural, UNED Sénior, Cursos de Verán e Cursos do Centro Universitario de Idiomas a Distancia e a implantación progresiva na mesma Aula de Vigo da titorización dos novos grados de Dereito, Educación Social, Enxeñería Informática, Enxeñería en Tecnoloxías da Información, Turismo, Estudos Ingleses, Administración e Dirección de Empresas, Ciencias Ambientais, Psicoloxía, Ciencia Política e da Administración, Pedagoxía, Xeografía e Historia e Historia da Arte demostraron que son necesarios novos espazos polo aumento da demanda dos propios alumnos, polo que o concello de Vigo decidiu trasladar as súas instalacións inicias ao auditorio "Mar de Vigo" e dispor destas tres plantas para as súas dependencias.