A comarca de Vigo acolle este mes de xullo catorce novas accións formativas do programa Smartpeme
As oficinas do programa SmartPeme da Deputación de Pontevedra en Vigo, Ponteareas e O Porriño acollerán durante o mes de xullo un total de 14 accións formativas (4 en Vigo, e 5 no Porriño e en Ponteareas) para a adaptación das empresas e proxectos emprendedores da provincia de Pontevedra ao novo escenario dixital no que desenvolver as súas actividades e aproveitar as ferramentas existentes co obxectivo de aumentar a súa competitividade. Deste xeito, SmartPeme oferta ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de empresarios e empresarias e de mozos e mozas autónomas.
A oficina de Vigo acollerá os seguintes obradoiros: Ferramentas de Google para a Promoción de Negocios Locais, o xoves 11 de xullo, ás 19 horas. O martes 16, ás 17 horas, terá lugar Crea unha Páxina Profesional con Wordpress. O xoves 18 de xullo, ás 17 horas, impartirase Como Mellorar o Posicionamento Local da túa Empresa Turística. A última acción formativa deste mes será Woocommerce: a Solución que Buscabas para Vender por Internet, o martes 23, ás 18 horas. A oficina SmartPeme de Vigo, na Sede da Deputación da cidade, atópase na rúa Oporto, núm. 3.
A oficina do Porriño acollerá os seguintes obradoiros: iníciase o martes 9, ás 19 horas, co curso O teu Contido Efémero: Stories en Facebook e Instagram. Pluggins de Wordpress para Mellorar a túa Web chegará o martes 16, ás 19 horas. O xoves 18, ás 19 horas, impartirase Emprego de Vídeo nas Redes Sociais: Youtube. A acción Como Mellorar o Posicionamento Local da túa Empresa Turística terá lugar o martes 23, ás 17 horas. E, por último, o martes 30, ás 19 horas, terá lugar Fotografía para Xoiería. A oficina SmartPeme do Porriño, no Multicentro do concello, atópase na rúa Ribeira, s/n.
Por último, as quendas para o mes de xullo na oficina de Ponteareas comezan o xoves 11, ás 17 horas con Empresas de Actividades Turísticas e Plataformas de Comercialización en Liña. A seguinte acción será O teu Plan de Márketing Dixital Paso a Paso, o martes da semana seguinte, día 16, ás 19 horas. O curso Obtén Valor dos teus Datos con Google Data Studio chegará a Ponteareas o xoves 18, ás 18 horas. O martes 23 de xuño, ás 19 horas, impartirase Vende Produtos en Liña con Campañas de Google Shopping. E, para rematar, Crea unha Páxina Profesional con Wordpress terá lugar o martes 30, ás 18 horas. A oficina SmartPeme de Ponteareas, no Centro de Desenvolvemento Local, atópase en Lomba do Cruceiro, núm. 5.
As inscricións pódense facer no número de teléfono 886 202 020, o correo electrónico info.smartpeme@depo.es ou a páxina web www.smartpeme.depo.gal.
Por último, as quendas para o mes de xullo na oficina de Ponteareas comezan o xoves 11, ás 17 horas con "Empresas de actividades turísticas e plataformas de comercialización en liña". A seguinte acción será "O teu plan de márketing dixital paso a paso", o martes da semana seguinte, día 16, ás 19 horas. O curso "Obtén valor dos teus datos con Google Data Studio" chegará a Ponteareas o xoves 18 ás 18 horas. O martes 23 de xuño, ás 19 horas, impartirase "Vende produtos en liña con campañas de Google Shopping". E, para rematar, "Crea unha páxina profesional con Wordpress" terá lugar o martes 30, ás 18 horas. A oficina "SmartPeme" de Ponteareas, no Centro de Desenvolvemento Local, atópase en Lomba do Cruceiro, nº 5.
As inscricións pódense facer no número de teléfono 886 20 20 20, o correo electrónico info.smartpeme@depo.es ou a páxina web www.smartpeme.depo.gal.
