Título: Meu querido trampantollo

O trampantollo, que significa "trampa ante o ollo", é un artificio ou ilusión co que se engana alguén facéndolle ver o que non é.

Dentro de todas as posibilidades de alteración da realidade ás que nos vemos sometidas na nosa vida diaria, interésannos as distorsións do trampantollo e do punto de vista. Estes enganos son procedementos que se utilizan no espazo social para minimizar ou falsear a nosa perspectiva, conseguindo que calquera acción ou situación teña un dobre sentido que será interpretado de distinta maneira segundo quen o viva ou quen o vexa.

Sonia Tourón Estévez (Pontevedra, 1979)

É doutora con Mención Internacional pola Universidade de Vigo e licenciada en Belas Artes (Escultura, 2002, e Deseño e Audiovisuais, 2004) pola Facultade de Belas Artes de Pontevedra, Universidade de Vigo.

Realizou varias estadías de investigación no estranxeiro, nas que impartiu docencia universitaria e colaborou en encontros e cursos como coordinadora e conferenciante. Paralelamente recibiu varios premios e bolsas, ademais de participar en diversos ciclos e eventos de arte e realizar diferentes exposicións: Premio da Fundación Pilar e Joan Miró en Mallorca pola súa participación en Tentaciones, en Estampa'07 (2007); Premio Novos Valores da Deputación de Pontevedra (2008); Loop'08, International Festival & Fair for Videoart, Barcelona; X Mostra Internacional de Arte Contemporánea Unión Fenosa, A Coruña; exposición itinerante "Oito_artistas.gal" con sedes en España e Portugal (2008-2009); Muartech: Acciones Híbridas desde el Género, Espacio Menosuno, Madrid (2011); Suxeitos Emerxentes: Sexualidades e Feminismos Contemporáneos, Espazo de Intervención Cultural Normal, Universidade da Coruña; Da Arte Feminina á Arte Feminista, Galería A.dFuga, Santiago de Compostela (2012); XI Xornadas de Arte de Acción Chámalle X, Sala X da Facultade de Belas Artes de Pontevedra, Universidade de Vigo.

Galería de imaxes