"ROSA", Nuria Sotelo
A Guarda, 01 de agosto 2019 ás 21 h, Praza do Reló
ROSA
Solo acompañado de danza para espazos incertos.
Rosa é unha cor.
Rosa é forte e vulnerable.
Rosa é unha flor.
Rosa observa, cuestiona e decide.
Rosa arrecende.
Rosa preguntase, pregúntate.
Rosa que me pariu.
Rosa é a miña inspiración.
Dirección, creación e interpretación: Nuria Sotelo
Duración: 15 minutos
CV Nuria Sotelo
Intérprete de danza e teatro, buscadora de linguaxes escénicas e impulsora da compañía de danza-teatro Licenciada Sotelo. Ligada á danza desde a súa infancia a través do ballet, continúa coa súa formación en danza contemporánea nas aulas de danza e teatro das universidades de Santiago de Compostela e de Ourense, así como en obradoiros internacionais.
Como intérprete traballa en compañías de danza e de teatro: Centro Coreográfico Galego, Femme Fatale, Experimentadanza, Teatro Resoante, Elefante Elegante e Matarile Teatro. Premios: Certamen Coreográfico de Madrid 2017, premiada como coreógrafa pola peza Ensayo amor e Premio de Interpretación Maruja Villanueva 2017 do Concello de Padrón.
Combina a actividade escénica coa docencia nos campos do corpo, a danza e a creación escénica, traballando con adultas, adolescentes, profesionais da escena, grupos de integración e familias. Actualmente está inmersa no proxecto "A Casa Vella", espazo-residencia artística y de infiltración social a través do corpo e da arte no rural alaricano.