Ordenanza reguladora do uso, funcionamento e organización do Castelo de Sobroso
Servizo responsable da iniciativa:
Turismo Rías Baixas
Estado actual:
Pechada
Prazo para a remisión de consultas:
Do 16 ao 24 de xuño
INFORMACIÓN SOBRE A NORMA
Antecedentes:
Trátase dunha ordenanza de nova creación
Necesidade e oportunidade da súa aprobación:
A propiedade do castelo de Sobroso é do Concello de Ponteareas, se ben lle cedeu gratuitamente o seu uso á Deputación de Pontevedra co fin de integrar o conxunto monumental na rede de recursos turísticos da provincia e mellorar a eficiencia da xestión pública.
Tendo en conta que o castelo de Sobroso constitúe un importante recurso turístico patrimonial da provincia de Pontevedra, a Deputación puxo en marcha o proxecto de musealización, actualmente en execución.
Este proceso require a adopción de medidas de xestión nos servizos e nas actividades que se vaian realizar a partir da apertura do castelo, unha vez completado o proceso de musealización.
Obxectivos:
Regular o uso, funcionamento e organización do castelo de Sobroso, determinando as normas e condicións dos servizos que se prestan e as actividades que se realizan
Rango da norma:
Norma de rango regulamentario (ordenanza local)
Última modificación: venres, 25 xuño 2021