A Deputación de Pontevedra destina a través do Plan Concellos máis de 75.000 euros para Ponteareas

Con este novo investimento aprobados pola Xunta de Goberno, o Goberno de Carmela Silva xa leva destinados aos concellos da provincia máis de 36 millóns de euros

A Xunta de Goberno da Deputación de Pontevedra aprobou unha nova achega para o Concello de Ponteareas pola cal recibirá 76.630,28 euros ao abeiro da liña 1 do Plan Concellos.

Así, o Concello de Ponteareas pode reformar o edificio da escola infantil municipal. Ata o momento, Ponteareas ten aprobados 982.754,54 euros dos 1.144.952,94 que lle corresponden este ano, é dicir, o 85,8 % do total do Plan Concellos destinado á vila da comarca do Condado.

Con estes novos investimentos, a Deputación de Pontevedra leva xa aprobadas achegas por valor de 36.124.811,97 euros para os concellos da provincia.