A Deputación de Pontevedra financia catro novas actuacións no Condado-A Paradanta co Plan Concellos
Con máis de 160.000 euros levaranse a cabo obras de mellora e acondicionamento de espazos e servizos públicos en Crecente, Arbo, Covelo e A Cañiza
![Plan Concellos 2018-2019](/documents/1076146/8344396/plan-concellos-19-900x600.jpg/47352b06-0045-42b0-a8d8-5de45d0e1e59,qt=1547560122026,qt=1547560122026.pagespeed.ce.fxjJT6Tg3S.jpg)
A Deputación de Pontevedra aprobou, mediante resolucións presidenciais, catro novos investimentos a comarca do Condado-A Paradanta ao abeiro da liña 1 do Plan Concellos 2019 por un total de 160.434,64 euros. En concreto, vanse a realizar actuacións nos concellos de Crecente, Arbo, Covelo e A Cañiza.
Máis polo miúdo, destinaranse 48.683,85 euros a Crecente para a mellora e acondicionamento de viarios municipais en Albeos, Ribeira e Filgueira; 20.650 euros a Arbo para a restauración de lavadoiros e fontes; outros 57.751,06 euros a Covelo para a mellora da seguridade viaria e senda peonil na E.P. 5105 Maceira-A Graña; e, por último, 33.349,73 euros á Cañiza para o subministro e colocación de puntos de información veciñal e placas de numeración na vila.