"Pompas", Rita Rodríguez
Martes 27 de febreiro de 2018, ás 12 h
Praza da Igrexa. En caso de choiva no vestíbulo do Concello, Lalín
Título: Pompas
Que a ingravidez non borre a memoria;
que a unión faga a forza*...
e doentes, doídas, caladas, mortas ou feridas;
collan ás do noso alento de a0 e
…voen…
(como pompas de xabón).
Rita Rodríguez
Esta artista galega desenvolveu a súa traxectoria profesional ao redor da escultura e da performance. A súa obra formou parte de exposicións individuais, coma "Rita Rodríguez. De dentro de", exposta no MARCO de Vigo, de mostras colectivas e tamén de ferias coma Preview Berlin (representada pola DF Contemporary Art Gallery). Foi artista residente e investigadora en numerosos centros, entre os que destaca o centro de investigación en artes visuais HANGAR, en Barcelona. Ademais, presentou accións artísticas en escenarios destacados coma a sede da Real Academia Danesa das Artes, en Copenhague; Maus Hábitos, no Porto; ou Brakke Grond, en Ámsterdam.
Doutorouse recentemente en Belas Artes na especialidade de arte performativa. Tamén impartiu cursos e obradoiros de escultura, deseño e performance na Universidade da Coruña, no Centro de Estudos Superiores Universitarios de Galicia, no Museo de Arte Contemporánea e noutros centros públicos e privados.